Le preghiere

Santa Crucidda ti vinni a vidiri (Preghiera a Gesù Crocifisso)   

Petralia Soprana anni 40'

Santa Crucidda ti vinni a vidiri

china di sangu ti vinni a truvari

chi fu chist' omu chi vinni a muriri,

fu Gesù Cristu che ebbi la lanciaat

addimannannu acqua e' unni potti aviri

ci dettiru' na sponza ntussicata,

'ntussicata Maria, povira donna

quannu vitti a sò fugghiu a la cunnanna.

Maria iava chiancennu pì li strati

la porta di lu Mastru aperta era,

- O caru Mastru chi faciti a 'st' ura?

- Fazzu' na cruci cu tri pungenti chiova.

- O caru Mastru 'un 'a faciti ora

cà iò vi pau la bona fattura,

- O cara matri 'un lu pozzu fari

ca lassanu na Gesù e pigghianu a mia.

- Di nivuru portimillu a lu cummogghiu

ca tu perdi lu mastru e iò lu figghiu.

Chiamatimi a Giuvanni ca lu vogghiu

quantu 'aiuta a chianciri a mè fighiu,

pigliati 'sta scala ca mè figliu scinni

quantu ci vasu li sò sacri carni.

- O  matri abbinidicitimi e ghitivinni

tocca muriri a mia, Matri amurusa.

- Figliu l'ha binidicu li stenti e l'affanni

li novi misi chi 'mbrazza ti tinni

lu latti chi ti detti di li minni

lu stentu di la matri amuri ranni.

E cu la dici tri voti a lu jornu

Dio ni scanzi di peni d' infernu,

e cu la dici tri boti a la notti

Diu ni scanzi di la mala morti,

e cu la dici tri boti a lu cantu

Dio ni scanzi di troni e di lampi,

cu la sapi dilla, dilla,

cu 'un 'a sapi amparatilla.

Sona, sona la campanedda   

Petralia Soprana anni'

Sona, sona la campanedda

è 'na povira virginedda

ca cantava la litania

cu Gesuzzu e cu Maria.

 Tutti i Santi jianu a xhiuri

pì purtalli a lu Signuri;

lu Signuri ca cunnuci

lacrimannu la sò cruci.

 E purtalla nun putìa

sangu russu ci currìa;

ci currìa vina, vina

comu l' acqua a la lavina.

 L' ;angileddu lu cugghìa

intra un calici 'u mittìa;

e culannu lentu, lentu

lu purtava a lu cummentu.

 Ddà currìa 'addulurata

affannata e scapiddata

e gridava quot "Figghiu miu,

Giuda fu ca ti tradìu!"