Vlerësimi

VLERËSIMI

Nocioni i vlerësimit dhe realizimi i tij është me rëndësi të veçantë për të përcaktuar shkallën e përvetësimit të njohurive, shprehive, shkathtë- sive, vlerave, qëndrimeve dhe sjelljeve të nxënësve, si dhe për të konstatuar punën e mësimdhënësit se sa ka qenë efektive puna e tij.

Vlerësimi i nxënësve duhet të bëhet në të gjitha etapat e orës mësimore, ai mund të jetë sistematik (për çdo temë mësimore), periodik(në përfundim të çdo kapitulli), semestral dhe vjetor.

Për vlerësimin e nxënësve është e domosdoshme të zbatohen teknika të shumëllojta:

1. Vlerësimi me gojë.

2. Vlerësimi me shkrim (testim, pyetësor, kontrollimi i fletores së punës etj.).

3. Vlerësimi praktik në klasë, laborator dhe teren.

4. Vlerësimi gjatë ekskurzioneve shkollore.

5. Vlerësimi i punës së pavarur të projekteve dhe punëve kërkimore.

6. Vlerësimi autentik (krahasimi me nxënësit tjerë, por edhe me vetëveten).