საგრანტო კონკურსი სოციალური მეწარმეობის მხარდასაჭერად 50000 ლარი

HTTPS://SITES.GOOGLE.COM/SITE/BIZNESGEGMA/SAGRANTO-KONKURSI

წყარო : HTTP://REGMARKET.GE/?PAGE=VIEW&SUB_PAGE=TENDERS&TENDER_ID=871

„საქართველოს ბანკის“ ფონდი „სიცოცხლის ხე“ აცხადებს საგრანტო კონკურსს.

სოციალური საკითხების მოგვარების, შშმ პირთა დასაქმების ხელშეწყობისა და სოციალური მეწარმეობის განვითარების მიზნით ღია საგრანტო კონკურსის ფარგლებში სოციალური საწარმოს პროექტები დაფინანსდება.

საგრანტო კონკურსში მონაწილეობა შეუძლიათ, სულ მცირე, 2 წევრისაგან შემდგარ არასამთავრობო ორგანიზაციებს, საინიციატივო ჯგუფებს, საზოგადოებრივ ორგანიზაციებს და სხვა შესაბამის დაწესებულებებს, რომლებიც მუშაობენ ან აქვთ სურვილი, აკეთონ ბიზნესი და ამასთანავე, იზრუნონ სოციალურად მნიშვნელოვან საკითხებზე.

თითოეულ პროექტზე გასაცემი გრანტის ოდენობა შეადგენს მაქსიმუმ 50 000 ლარს. პროექტის იდეა უნდა იყოს მდგრადი და გრძელვადიანი, განვითარებაზე ორიენტირებული; სოციალური საწარმოს ფუნქციონირების დაწყებისთანავე უნდა დასაქმდეს, სულმცირე, 1 შშმ პირი; საწარმოს მენეჯმენტის ხელფასი არ უნდა აღემატებოდეს ფონდიდან მოთხოვნილი თანხის 10%-ს; საგრანტო პროექტის ფარგლებში დაფინანსება გაიცემა მხოლოდ სოციალური მეწრამეობის შესახებ პროექტებზე.

საგრანტო კონკურსის მიზანია საქართველოში წარმატებული სოციალური საწარმოების დაფუძნების და სოციალური მეწარმეობის განვითარების ხელშეწყობის გზით სოციალური საკითხების მოგვარებაზე ზრუნვა.  

საპროექტო განაცხადების მიღება დაიწყება 10 აგვისტოს და დასრულდება 2017 წლის 10 სექტემბერს 18:00 სთ-ზე. კონკურსში გამარჯვებულ პროექტებს შესაბამისი მიმართულების ექსპერტებით დაკომპლექტებული დამოუკიდებელი ჟიური 2017 წლისბოლომდე გამოავლენს.

კონკურსი სს „საქართველოს ბანკის“ დაფინანსებით განხორციელდება.

საქართველოს ბანკი, საკუთარი კორპორაციული სოციალური პასუხისმგებლობის ფარგლებში მხარს უჭერს საქართველოში სოციალური მეწარმეობის განვითარებას, რაც, თავის მხრივ, მოიცავს: ინოვაციას, შშმ პირების ცხოვრების ხარისხის გაუმჯობესებაზეზრუნვას, მათ დასაქმებასა და სოციალური პრობლემების დაძლევას. 

საქართველოს ბანკის ფონდი “სიცოცხლის ხე“ 2008 წლიდან ზრუნავს საზოგადოებისთვის აქტუალურ სოციალურ საკითხებზე.

გასულ წელს გამოცხადებულ კონკურსში შეირჩა და საერთო ჯამში 200 000 ლარით დაფინანსდა 5 სოციალური საწარმოს პროექტი. საგრანტო კონკურსის ფარგლებში დაფინანსებული საწარმოების ნაწილი უკვე ამოქმედდა და ნაწილი კი 2017 წლისბოლომდე გაიხსნება: ბათუმში, კასპში, თბილისში, ლაგოდეხში, წნორსა და ლაგოდეხში. 

დეტალური ინფორმაცია კონკურსის შესახებ იხილეთ ბმულზე.