14. Medangsia

14. Medangsia, Radite, Pon.

Wtuning Raray. Prenah pamanya nunas numadi ring Bhatara Maha Dewa, Pangawak Sang Pandu, Dumadi Sang Khala Yaksa, Pitara watek 27, kang majanma urip 4, lemah mendek palemahan nia, asem kakayon nia, sandang lawe manuk nia, mayung sasato nia, siyang lintang nia, wadu ya: sada sekeh rahi nia, akas roma nia, sada jenar warna nia, kakung pahawakan nia, madya jeneng nia, mendra manah nia, pasimpenan nia gedong konci, lumbung tukup, riwekasan menga, pawreti nia surud, de nia manggih duka, to ya priksanin, ya kelaran de Sang Yaksa, nagih lukat dinius kinurungan ring karang lawang, Puja ring Lindu Gamana, muah banten maka panebus ring dalan agung, tumpeng putih kuning, papanggang ayam, muah tumpeng putih, papanggang ayam, sekul gurih linambaran ayam, sirahing bawi, sarwa pawitra. Rarakih suketing Setra, sambat Sang Dhurga Dewi, Hyang Garga, kunang yan tanpahayunen, lara wehan nia, pedandang watuk, sirah suku weteng, riwekasan gering kukul, linu di nengen, aworan mantra, muah hana sasangining wayah amiruda, muah dina katiben carik, carik mina, nagih masakapan Sang dumadi ring dalan agung, tumpeng putih kuning, satta putih siungan pinanggang, sega sapanjang, mesi rahi bawi kiduluk 1, sajeng saguci, pipis 444, beras 4 catu, geneping saji, sambat Hyang Putri, Rara Nini Dhurga, kunang yan tanpahayu, lara wehan nia muah ala atma nia. Matia gigingsir, mati sinbering bawi, mati sinambering tawon, patikning sumilang, muah wayah nia nagih masakapan di Brahma, wayah di nyama nagih mahaturan di Pajenengan, wayah di misan, Nini di nyama, wayah ulian luh lanang wadon, wayah di misan luh, Wayah ulian luh lanang wadu, Ngesub.

Soma Wage. Prenah Kakin nya nunas numadi ring Sang HYang Wisnu, Dumadi Sang Khala Yaksa, Sang Pandu ngawakin, Pitara 27, kang ajadma urip 4, wenang linukat kadi palukataning Sang Medangsia, muah wayah nia nagih masakapan di traptapan, wayah di nyama luh muani, wayah di misan luh muani, wayah ulian luh lanang wadon, Nini nya, wayah ulian luh di misan, sami nagih masakapan di Sema.

Anggara Kliwon. Prenah Reramanya nunas numadi ring Bhatara Siwa, Sang Pandu ngawakin, Dumadi Sang Khala Yaksa, Pitara 27, kang ajadma urip 4, wenang linukat kadi palukataning Sang Medangsia, muah wayah nia nagih mahaturan ka Sanggah Kamulan, sasayut guru, wayah ulian luh nagih maskapan di Pasar, Wayah ulian luh di nyama, wayah di nyama luah muani, wayah di misan luh mjuani, Wayah ulian luh lanang wadon, sami ngesub.

Budha Umanis. Sato Yoni. Tekaninh mitra nia nunas numadi ring Hyang Iswara, Sang Pandu ngawakin, Dumadi Sang Khala Yaksa, Pitara 27, kang majanma urip 4, wenang linukat kadi palukataning Sang Medangsia, muah wayah nia nagih macaru ngarepin Sanggah Kamulan, satta amanca warna, tumpeng warna manut warnaning ayam, Wayah ulian luh, Nini nya, Nini ulian luh, Ngesub, wayah di misan luh muani, Nini di nyama, nagih matelah, Wayah ulian luh di misan, Ngesub.

Weraspati Pahing. Satrya Brahmana Siwa, tekaning mindon nia nunas numadi ring Bhatara Brahma, Sang Pandu ngawakin, Dumadi Sang Khala Yaksa, Pitara 27, kang ajadma urip 4, wenang linukat kadi palukataning Sang Medangsia, muah wayah di nyama nagih malipeta, Nini nya nagih masakapan di Sawah, Hana guna, Buyut nia luh paling ngidih nasi, Nini ulian luh, Buyut di nyama, hana tumitisan nia mati labuh di undage, nagih maskapan di undag.

Sukra Pon. Paman nia nunas numadi ring Hyang Maha Dewa, Sang Pandu ngawakin, Dumadi Sang Khala Yaksa, Pitara 27, kang ajadma urip 4, wenang linukat kadi palukataning Sang Medangsia, muah wayah ulian luh, ulian luh di nuyama, wayah ulian luh di misan, wayah di nyama, nagih matelah, Buyut nia nagih mahaturan ka Pajenengan, Wayah ulian luh wadon, wayah di misan, Nin ulian luh di nyama, hana tumitisania matikacarik, nagih sakapan di Sema.

Saniscara Wage. Kakinnya nunas numadi ring Bhatara Wisnu, Sang Pandu ngawakin, Dumadi Sang Khala Yaksa, Pitara 27, kang ajadma urip 4, wenang linukat kadi palukataning Sang Medangsia, carik sato, sakapan kadi ring R, muah wayah ulian luh nagih malukat, Nini di nyama, wayah nya, wayah di nyama, wayah di misan, di nyama, Nini ulian luh, Nini di misan, pada ngesub, muah Nini ulian luh di misan.