11. Dungulan

11. Dungulan, Radite, Pahing.

Wetuning Raray. Satrya Prasanghyang, tekaning prenah mindonnya nunas numadi ring Bhatara Brahma, apangawak lanang, dumadi Sang Dengen, pitra 12 kang rineka, 5 dadi janma, Undung – undung palemahan nia, pohan landa kakyonia, si dawa manuk nia, gauda sato nia, panangin lintang, lanang ya: sada dawa rahi nia, akas roman nia, sada ijo warna nia, dempa pangawak nia, sada lo karna nia, pupug pagaweya, somya ambek nia, pasimpenan nia gedong konci, lumbung ineb, lunga carik ujar, pawretinia, ika yatnain panumadian nia, ya kalaranin de Sang Khala Dengen, malaku lukat dinius kinurungan ring lawang, Puja ring Lindu Gamana, muah banten nia makapanebus tengahing natar, sekul anget ring wakul, rarwen winadahan kulak, tumpeng putih papanggang ayam, sekul gurih linambaran ayam, sarwa pawitra, luluh salawe, sajeng saguci, sambataken Sang Wisesa, Hyang Wisnu. Kunang yan tan pahayunen, lara wehan nia, wekasan rumpuh, linud dangka – dangka, ika miluwamiruda, muah desti, muah wayah nia nagih masakapan di Kamulan, marantasan saparadeg, wayah di nyama, nagih masakapan di ulun Sema, Nininya, Kaki di misan, Nini di nyama, Kaki ulian luh, Nini di misan, Nini ulian luh, Kaki ulian luh di nyama, makejang pada ngesub.

Soma Pon. Pamania nunas numadi ring Hyang Maha Dewa, Dalang ngawakin, Khala Dengen ngreka pitra 12, dadi 5, wenang linukat kadi palukataning Sang Dungulan,muah wayah nia nagih malukat di traptapan, wayah di nyama nagih masakapan di Sema, wayah ulian luh, wayah di misan, wayah ulian luh di misan, wayah ulian luh di nyama di misan, Nini ulian luh, Nini di nyama di misan, Kaki ulian luh, ulian luh di misan, sami pada ngesub.

Anggara Wage. Kakinnya nunas numadi ring Bhatara Wisnu, Dalang ngawakin, Khala Dengen ngreka pitra 12, dadi 5, wenang linukat kadi palukataning Sang Dungulan, wayah nia katepuk kategah bahan Sang Guru, nagih tebusin ka Sanggah Kamulan, Nini nya, Nini di nyama, Kaki ulian luh di nyama, Kaki nya di nyama di misan, Kaki nya ulian luh, Kaki nya ulian luh di misan, Nini ulian luh, ika sami pada ngesub, yan tan tebusin di Sanggah Kamulan mapwara ala.

Budha Kliwon. Prenah Reramannya nunas numadi ring Bhatara Wisnu, Dalang ngawakin, Khala Dengen ngreka pitra 12, dadi 5, wenang linukat kadi palukataning Sang Dungulan, carik agung, Sang dumadi nagih caru ring natar, sekul awkul, rarwon sakawali, ayam amanca warna, pipis 999, beras 9 catu, geneping saji, sambat Hyang Khala, Sang Bhuta Khala Sakti, kunang yan tan pahayunen, ala temunia, mati salah pati, mati salah ulah, salah ucap, mati maperang, kalebu ring toya, sinahuting ula, sinahuting kuluyu, samangkana pati nia, muah wayah nia di nyama nagih mahaturan di Sanggah Kamulan, wayah ulian luh, wayah nya luh muani, Nini ulian luh, Nini di misan, Kaki ulian luh, Nini di nyama, Kaki di misan ulian luh, ika sami pada ngesub.

werapati Umanis. Sato Yoni. Tekaning mitra nia nunas numadi ring Hyang Iswara, Dalang ngawakin, Khala Dengen ngreka pitra 12, dadi 5, wenang linukat kadi palukataning Sang Dungulan, muah Nini nya, Nini di nyama, wayah di misan, wayah nya pada ngesub, wayah di nyama, Nini di misan, Nini ulian luh, hana temitisan nia mati labuh, nagih masakapan di Pratiwi

Sukra Pahing. Satrya Bodha, Tekaning mindon nia nunas numadi ring Bhatara Brahma, Dalang ngawakin, Khala Dengen ngreka pitra 12, dadi 5, wenang linukat kadi palukataning Sang Dungulan, muah wayah nia nagih mahaturan ka Pajenengan, wayah ulian luh, wayah ulian luh di nyama, di misan, wayah di nyama sami pada nagih matelah, Nini ulian luh, Nini ulian luh di nyama, wayah di misan, sami pada ngesub

Saniscara Pon. Prenah Paman nya nunas numadi ring Hyang Maha Dewa, Dalang ngawakin, Khala Dengen ngreka pitra 12, dadi 5, wenang linukat kadi palukataning Sang Dungulan, muah wayah nia ulian luh nagih mahang nyama ngamah nginem, Nini nya di nyama ngesub, Kaki nya ngesub, wayah di nyama di misan, Nini nya, Nini di nyama ngesub, wayah ulian luh di misan, hana tumitisan nia nagih malukat.