10. Sungsang

10. Sungsang, Radite, Kliwon.

Wetuning Rare, Prenah Reramannya nunas numadi ring Bhatara Siwa, ne ngawakin Khala Saji, angereh Sang Khala Sumur, Ngareka Pitra 32, dadi 11, palemahan nia lesung, kayu nia langsat, manuk nia jalak, sato nia kuda, lintang nia salah ukur, wadon nia: sada gilik rahi nia, sada apes janggut nia, tutut rambut nia, sada malang karna nia, jang – jang jeneng nia, jalidra manah nia, ring suku ring lidah klesa nia, pasimpenan nia gedong menga, susuren Sang kadang nia, lumbung isi, pawreti nia alalungan, lalandung sasanjan, to tangarin panumadiania, kasakitin de Sang Khala Saji, olih nia anglusuraken kasukaning wong, malaku lukat dinius ring longan,Puja ring Siwa Gangga, muah babanten malukat ring paduning karangring rajagan, sekul ring wakul tukon pajagalan, jinah 250, gagerih, bubur gilek, tumpeng, papanggang ayam, sarwa pawitra, sambat Sang uwus mentas, kunang yan tan pahayunen, lara wehan nia ring sirah, suku weteng ring jejaringan, lambung limpa, linud, sesangi amirudani, duk nia aputra keweh, linud putra nia, pomahan nia ala, madang laksana wetan, muang lawang ta ala, muah sasrup kulon banyu, muah wayah nia nagih masakapan ring uloning Setra, apan anumitis mati kacarik, wayah di nyama nagih mahaturan di Pajenengan, Nini nya, muah wayah di misan luh muani, Nini di nyama, wayah ulian luh lanang wadon, Nini ulian luh di nyama, sami pada ngesub.

Soma Umanis. Sato Yoni. Tekaning mitra nia nunas numadi ring Bhatara Iswara, Khala Saji ngawakin, Khala Sumur angreka pitra, 32, dadi 11. wenang linukat kadi palukataning Sang Sang Sungsang, muah wayah nia nagih masakapan di traptapaning umah meten, wayah di nyama di misan, wayah ulian luh, pada ngidih nasi, Nini ynane, Nini ulian luh, Nini nyama di misan, Kaki ulian luh di misan, pada sareng nagih masakapan.

AnggaraPahing. Satrya Pradewa, tekaning mindon nia nunas numadi ring Bhatara Brahma, Khala Saji ngawakin, Khala Sumur angreka pitra, 32, dad 11, wenang linukat kadi palukataning Sang Sungsang, dina kacarik, Sang dumadu nagih mecaru ring jrogjogan, sekul tuku ring Pasar, sapanjang dena pepek, iwak bawi ingolah, sata wiring ireng pinanggang, pipis 777, beras 7 catu, geneping saji, sambat Hyang Wisnu, Bhuta makwehan dedusun, kunang yan tanpahayunen, mati salah pati temahan nia, mati kentek, mati patram, mati labuh wer, muah wayah nia katepuk kategah bahan Sang Guru, nagih tebusin di Sanggah Kamulan, wayah Nini ulian luh nagih masakapan di Pasar, wayah di nyama nagih masakapan di Bale Wetan, wayah ulian luh di nyama di misan, Nin di misan, Nini ulian luh di misan, Nini ulian luh, sami pada ngesub, ika yatna akna.

Budha Pon. Prenah Paman nia nunas numadi ring Hyang Maha Dewa, Khala Saji ngawakin, Khala Sumur adadiaken janma, pitra 32, dadi 11, wenang linukat kadi palukataning Sang Sungsan, muah wayah di nyama nagih mahaturan di Sanggah, bebek putih jambul, wayah nya, wayah ulian luh, Nini nya, Nini ulian luh, wayah – wayah ulian luh di misan, ika sami ngesub, Nini di misan, Nini di nyama, nagih matelah.

Weraspati Wage. Sato Yoni. Tekaning mitra nia nunas numadi ring Bhatara Iswara, Khala Saji ngawakin, Khala Sumur angreka pitra 32, dad 11, wenang linukat kadi palukataning Sang Sungsang. Dina kacarik, wenang caroni kaya ring A. Nini nyane, Nini di nyama, wayah di misan luh muani, Kaki nya, pada ngesub, Nini ulian luh nagih soring kayu, apan hana tumitisan nia labuh.

Sukra Kliwon. Prenah Reramannya nunas numadi ring Bhatara Siwa, Khala Saji ngawakin, Khala Sumur angreka pitra 32, dad 11. wenang linukat kadi palukataning Sang Sungsang. Muah wayah nia, wayah ulian luh, wayah ulian luh di yama di misan, wayah di misan, pada nagih matelah, Buyut nia nagih mahaturan di Pajenengan, Nini ulian luh, Nini ulian luh di nyama, Ngesub.

Saniscara Umanis. Sato Yoni. Tekaning mitra nia nunas numadi ring Bhatara Iswara, Khala Saji ngawakin, Khala Sumur angreka pitra 32, dadi 11, wenang linukat kadi palukataning Sang Sungsang. Muah wayah nia di nyama, nagih malukat, wayah ulian luh, nagih mahang nyama ngamah nginem, wayah nya, Nini di nyama, Ngesub. Kaki nya di misan, Nini ulian luh, nagih matelah. Nini di misan, Kaki ulian luh di misan, pada ngesub.