9. Julung Wangi

9. Julung Wangi, Radite, Pon.

Kaprenah nyamania nunas numadi ring Bhatara Maha Dewa, Teja ngawakin, Sang Pretanjala madadia janma, Pitara 15, lemahas palemahan nia, sada jang - jang awak nia, jantam polah nia, lingka arep nia, lanji meda nia, ring baga ring purus klesa nia, eulat nia sring merengut, pasimpenan nia gedong menga, pawreti nia dius kinurungan, Puja ring Siwa Gaman, muah banten maka panebus ring pahabuni karang, dadangan sakulak, saha pecel iwak, tumpeng putih, papanggang ayam, sarwa pawitra, sambat Bhatara Bayu, kunang yan tanpa hayu, lara wehan nia, jengel, watuk, sirah suku, lupa, wekasan linida lara nia lingker, muah lawang nia ala, likah nia, waton nia ala, muah prenah wayah nia nagih masakapan di lawang wayah di nyama, tur wayahe nagih mahaturan di Pajenengan, wayah ulian luh lanang wadon, Nini di misan, wayah ulian luh di nyama luh muani pada ngesub.

Soma Wage. Prenah Kaki nia nunas numadi ring Bhatara Wisnu, Teja ngawakin, pandadyaning Sang Pretanjala, wenang linukat kadi palukataning Sang Julung Wangi, muah carik patra, nagih macaru Sang Dumadi di marga agung, sekul sapanjang dena pepek, pinunjungi supak, satta pinecel, pipis 333, beras 3 catu, geneping saji, sambat Hyang Komara Sidhi, Bhuta Endo, kunang yan tanpa hayu mati slah pati temahan nia, mati kareming toya, muah sandering gelap, yan wadon mati sakebebeng, muah wayah nia nagih masakapan di Sema, wayah di nyama di misan, wayah ulian luh, pada ngidih nasi, wayah ulian luh di nyama, Nini nia, Nini di misan, wayah ulian luh di misan, pada ngesub.

Anggara Kliwon. Prenah reramania nunas numadi ring Bhatara Siwa, Teja ngawakin, pandadyaning Sang Pretanjala, Pitra 15, wenang linukat kadi palukataning Sang Julung Wangi, muah wayah nia ulian luh nagih masakapan di Pasar, wayah marep, Nini nia di nyama, nagih masakapan di Bale Wetan, wayah ulian luh di nyama, wayah di misan, Nini ulian luh, Ngesub.

Budha Umanis. Sato Yoni. Tekasning mitra nia nunas numadi ring Sang Hyang Iswara, Teja ngawkin, pandadyaning Sang Pretanjala, wenang linukat kadi palukataning Sang Julung Wangi, muah wayah di nyama nagih mahaturan di Sanggah, bebek purih jambul, suci asoroh, Nini di nyama nagih matelah, wayah luh muani ngesub, wayah ulian luh lanang wadon, Nini di misan, wayah ulian luh di misan, Ngesub.

Weraspati Pahing. Satrya Brahmana Siwa. Tekaning prenah mindonia nunas numadi ring Sang HYang Brahma, Teja ngawakin, pandadyaning Sang Pretanjala,wenang linukat kadi palukataning Sang Julung Wangi, wayah nya luh muani, wayah di nyama luh muani, Nini ulian luh, hana tumitisan nia mati labuh, nagih masakapan di kayune.

Sukra Pon. Prenah Paman nia nunas numadi ring Hyang Maha Dewa, Teja ngawakin, pandadyaning Sang Pretanjala, wenang linukat kadi palukataning Sang Julung Wangi, wenang caronin kadi ring C. wayah nia, muah wayah ulian luh di nyama, ulian luh di misan, nagih matelah. Buyut nia nagih mahaturan di Pajenengan, Nini ulian luh di nyama, Kaki di misan, Ngesub

Saniscara Wage. Kaki nia nunas numadi ring Bhatara Wisnu, Teja ngawakin, pandadyaning Sang Pretanjala, pitra 15, pandadyaaken janma, wenang linukat kadi palukataning Sang Julung Wangi, muah wayah ulian luh, nagih mahang warga ngamah nginem, Nini nia di nyama ngesub, Kakinya di nyama di misan, Nini nya, muah Nini ulian luh, nagih matelah, Nini di misan, Kaki ulian luh di misan, Ngesub.