1. Sinta

1. Nihan luir nia: Yaning Sinta, Radite Paing.

Wetuning rare, Satrya prasanghyang muah kaprenah mindon nia nunas numadi ring Bhatara Brahma, Sang Hyang Surya ngawakin, dumadi panca maha bhuta, pitra, 9, palemahan nia luang, kayu putih, paksi bango, llintang nia kukusan, jeneng ina madya, bunter rahi nia, mesmes rambut nia, linggah karna nia, memes budhi nia, bang – bang warna nia, pasimpenan nia gedong konci, lumbung suwung. Pawreti nia atetanian, Sang Panca Maha Bhuta nagih malukat madyus ring natar, ne ring toya 9 warna, Pinuja ring Surya Gaman, yan tan sinahayunen Sang dumadi, pinilara de Sang Panca Maha Bhuta, lanang kag rare, lara nia ring sirah, ring cangkem, irung, waliket, ring wangkong, pauyuh – uyuhan, Bebanten nia kalaning malukat, maka panebus ring Ibu Pratiwi, liwet kacang ijo, antiga ginoreng, tumpeng putih, sata putih pinanggang, sekul putih linambaran ayam, sarwa pawitra, sambat but arena, muah carik wetu nia, ne numadi nagih macaru ring natar, sata putih pinanggang, penek 2, sata wiring pinanggang penek bang 2, winaworin kacang ijo. Antiga gerih gento gente, surub agung, pipis 25, sambat Hyang Indra, Bhatara Dharma Deya, muah wayah nia nagih maturan di Pajenengan, wayah di nyama nagih mesakapan di sawah, nini nia, wayah di misan, nini nyama, wayah ulian luh, dimisan, nini ulian luh, kakai ulian luh di nyama, hana tumitisan nia mati di segara, nagih angkid.

Coma Pon:. Prenah paman nya nunas numadi ring Bhata Maha Dewa, Suryangawakin, wenang linukat, Kadi palukataning Sinta ring arep, tan kacarik, wayah nia nagih masakapan di traptapan umah meten, hana numadi wayah di nyama, dimisan, wayah ulian luh, wayah di nyama ulian luh, nagih ngidih nasi. Wayah nya luh rep, wayah ulian luh wadon, wayah di nyama ulian luh wadon, wayah di nyama luh, wayah dimisan luh, ngidih nasi akesep. Ayah dimisan nagih mesakapan di Setra.

Anggara Kliwon: Kaprenaha kakinnya nunas numadi ring Bhatara Wisnu, Surya ngawakin, wenang linukat, Kadi palukataning Sang Sinta ring arep, muah wayah di nyama arep,wayah ulian luh,nagih mesakapan di Pasar. Wayah di nyama luh nagih mesakapan di bale wetan. Wayah ulian luh di nyama, wayah di misan, nagih malipetan. Wayah ulian luh lanang wadon, wayah dimisan lanang ngesub. Hana tumitisan nia katepuk kategah bahan Sang Guru, nagih neduh ke Sanggah Kamulan.

Budha Wage: Kaprenah reramannya nunas numadi ring Bhatara Siwa, surya ngawakin, tankacarik, wenang linukat, Kadi palukataning Sang Sinta ring arep, muah wayah dinyama nagih maturan ke Sanggah, bebek putih jambul, suci asoroh, wayah ulian luh, wayah nya lanang wadon, wayah ulian luh wadon nagih ngesub. wayah dimisan istri, wayah dinyama lanang wadon during matelah, wayah ulian luh dimisan ngesub, tumitisan nia mati kacarik, nagih mesakapan di Sema.

Weraspati Umanis: Sato Yoni, uah mitra nia nunas numadi ring Bhatara Iswara, surya ngawakin, wenang linukat, Kadi palukataning Sang Sinta, wayah nya istri, wayah kaprenah buyut paling ngesub, wayah di nyama luh, wayah dimisan, wayah nya ngesub. wayah di nyama nagih malipetan. wayah dimisan luh, wayah kaprenah buyutpaling ngidih nasi gati malipetan. tumitisan nia mati labuh nepen tunggak didagan umahe nagih mesakapan ring tunggak.

Sukra Pahing : Satrya Bodha, muah kaprenah mindon nia nunas numadi ring Bhatara Brahma, surya ngawakin, wenang linukat, Kadi palukataning Sang Sinta. muah wayah ulian luh, wayah ulian luh di nyama, wayah ulian luh dimisan, wayah di nyama, nagih matelah. Buyut lanang nagih maturan di Pajenengan. wayah ulian luh wadon, wayah dimisan, wayah ulian luh di yama wadu, nagih malipetan. tumitisan nia mati kacarik nagih mesakapan di Setra.

Saniscara Pon : Prenah Paman nya nunas numadi ring Bhatara Maha Dewa, surya ngawakin, wenang linukat, Kadi palukataning Sang Sinta, muah wayah nia di nyama, wayah ulian luh, nagih mahang nyama ngamah nginem, wayah di nyama luh, wayah nya, ngesub, wayah di misan, wayah nya luh,wayah ulian luh wadon, nagih matelah, wayah dimisan luh ngesub, wayah dimisan luh, tumitisan nia nagih malukat.