3. Ukir

3. Ukir Radite Umanis.

Sato Yoni, tekaning mitra nia nunas numadi ring Bhatara Iswara, Siwa ngawakin, dumadi Sang Bhuta ngaweh Pitara, 17, Sang dumadi kari 7, malipetan 10, wewehan Bhatara Guru, palemahan nia gunung kembar, kayu waringin, manuk nia merak, sato nia pusa, lanang ya, bunter rahi nia, memes rambut nia, wilis warna nia, jangkung pahawakan nia, someh budhi nia, mendra semunia, kerengt pahambekan nia, pasimpenania gedong menga, lumbung mesi, pawreti nia ararasan, to ya priksanin, Sang Bhuta Ngawe anglaranin, melku lukat Sang Dumadi, dyus kinurungan pinggiring alas, toya 17 warna, puja ring Siwa Gemana, banten nia makapanebus areping dengen, sega sawakul, pecel sawung, sajeng tan sinaringan, , tumpeng putih papanggang ayam, sekul gurih lambaran ayam,sarwa pawitra, sambat Bhuta Ngawe. Muah yan tan lukat, lara temu nia, madya, weteng, wangkong, waliket, pauyuh – uyuhan, rumpuh, boros, udug. Muah wayah nia numadi ring ya, nagih maturan di Pajenengan, wayah di nyama nagih mesakapan di sawah. Nini nia nagih mesakapan di Brahma, wayah di nyama di misan luh, nini ulian luh, nini di nyama ulian luh, kaki di nyama ulian luh, ngesub. Hana tumitisan nia mati di segara, nagih angkid

Coma Pahing. Satrya Pungakan, Tekaning mindon nia nunas numadi ring Bhatara Brahma, Siwa ngawakain, wenang linukat, kadi palukataning Sang Ukir, muah wayah nia nagih malukat di traptapan umah meten, nini ulian luh, kiki di nyama, nagih malukat. Kaki di misan, kaki nya ulian luh, nagih ngidih nasi. Kaki di nyama ulian luh, nini nyaq, nini di nyama, nini di misan, kaki di misan ulian luh, nagih mesakapan di Sema.

Anggara Pon. Kaprenah Paman nya nunas numadi ring Bhatara Maha Dewa, Siwa mgawakin, wenang linukat, kadi palukataning Sang Ukir. Muah dina kacarik, lukaten ring dengen, ayam rinancana, penek amanca warna, sajeng tan sinaringan, pipis 555, beras 5 catu, lawe, klapa, gendis, pada mea 1, sambat hyang Widhi, Bhuta Kendon, yan tan pahayu, kawekasan mati karubuhan kayu, karubuhan gunung, mati adalan, lukat antuk dalan. Muah wayah nya marep, katepuk kategah bahan Sang Guru. Nagih tebusin di Sanggah Kamulan. Nagih malukat di natahe. Nini nya ngesub nagih malukat di Pasar. Nini di nyama, nagih mesakapan di bale wetan. Kaki di misan, kaki ulian luh, nini di misan, kaki ul;ian luh di misan, nini ulian luh, Ngesub.

Budha Wage: Prenah kakinnya nunas numadi ring Bhatara Wisnu, Siwa ngawakin, wenang linukat, kadi palukataning Sang Ukir, muah nini nia nagih maturan di Sanggah Kamulan, bebek putih jambul, wayah di nyama luh muani nagih matelah. Kakinnnya ulian luh, kaki ulian luh di misan, ngesub.

Weraspati Kliwon: Prenah reraman nya nunas numadi ring Bhatara Siwa, Siwa ngawakin wenang linukat, kadi palukataning Sang Ukir, dina kacarik, sakapan kadi ring ukir, nininya, nini di nyamja, kaki di misan, watah kaprenah buyut paling ngesub. Kaki di nyama, nini di misan, buyut di misan paling ngidih nasi, nini ulioan luh, buyut di nyama ngidih nasi. Hana tumitisan nia mati labuh nepen tunggak, wenang sakapan di tunggak.

Sukra Umanis: Sato Yoni, wenang ngabutin satingkahing Sang Ukir, muah mitra nia nunas numadi ring Bhatara Iswara, Siwa ngawakin, wenang linukat, kadi palukataning Sang Ukir, muah wayah nia katepuk kategah bahan Sang Guru, tebusin di Sanggah Kamulan. Kaki di nyama ulian luh, wayah ulian luh, wayah ulian luh di misan, kaki di nyama, nagih matelah. Buyut nia nagih maturan di Pajenengan. Nini ulian luh kaki di misan, kaki di nyama ulian luh, ngesub.

Saniscara Pahing: Satrya Kadang Aji, Tekaning mindon nia nunas numadi ring Bhatara Brahma,, Siwa ngawakin, wenang linukat, kadi palukataning Sang Ukir, muah wayah di nyama nagih mesakapan di tratptapankaki umah meten, ulian luh nagih nyuken nyama ngamah nginum, nini di nyama, kaki di misan ngesub. Nini nia, nini ulian luh, nagih matelah. Kaki di misan ulian luh, nini ulian luh nagih malukat, nini di misan ngesub.