6. Gumbreg

6 Gumbreg, Radite, Pahing.

Satrya Pranah Sang Hyang, tekaning mindon nia nunas numadi ring Bhatara Brahma, Sang Wariga Gemet ngawakin, Pitra 7, Kang rineka, tanpa urip,gagumuk palemahan nia, Tengguli kakayonia, Gagak manuk nia, Macan satonia, lintang nia punggaling, lanang Sang Gumbreg, giling rahi nia, meme repan nia, giling panarira nia, asemu wilis warna nia, sada gung gulu nia, sada melang karma nia, mengga polah nia, gomyok socapan nia, itungan ring duwenia, ring duluring masa klesa nia, pasimpenania gedong menga, lumbung ineb, pawreti nia angereh gagaman, priksaning ya, ya kasakiting dening Wariga Gemet, malaku lukat, dinius kinurungan, Puja ring Siwa Agni, muah margga Gamana, babanten nia maka panebuse ring paturon, tumpeng agung papanggang ayam, sekul gurih linambaran ayam, sambat carik telu. Kunang yen tanpahayu, lara wehan nia, ring gulu, pagegelikan, masa pamarasan, henek mutah missing, gumigil, begah, linud palemahan nia ala, muah paturon nia, karang ulun wandah, awor kena guna, ahang gegemi, srana nia gedang madu maja, de pendem ring marga, muah ne numadi wayah nia ngih balik sumpah di pakarangan nia, Nini nia, wayah di nyama dimisan, nagih maturan di Pajenengan, Nini nia di nyama, nagih masakapan di sawah, wayah ulian luh, Nini di misan, Dadong ulian luh, Kaki di nyama ulian luh, Nini di misan ulian luh, Ngesub.

Soma Pon. Prenah paman nia nunas numadi ring Hyang Maha Dewa, Wariga Gemet ngawakin, wenang linukat kadi palukataning Sang Gumbreg, carik janma, nagih macaru dibucuning umah, penek putih kuning, satta putih pinanggang, sega sawakul, grih antiga ginoreng, jangan sakawali, sajeng aguci, pipis 666, beras 6 catu, geneping saji, suketing pasar, kunang yan tanpahayu, salah pati nia, mati kasuduk, mati sinaraping macan, mati kasandung, muah wayah nia nagih masakapan ring umah tur malukat, wayah di nyama di misan, Nini nia, Wayah ulian luh, Wayah ulian luh di nyama ulian luh, Nini di misan, Kaki di misan ulian luh, nagih masakapan di Sema.

Anggara Wage. Kaki nia nunas numadi ring Hyang Wisnu, Wariga Gemet ngawakin, wenang linukat kadi palukataning Sang Gumbreg, wayah nia nagih bayanin, satta ireng pinanggang, tumpeng ireng, jajatah calon, wayah ulian luh nagih masakapan di pasar, Nini nia ngesub, Nini di nyama nagih masakapan di Bale Wetan, wayah ulian luh di nyama, wayah di misan, Nini di misan, wayah ulian luh di misan, Nini ulian luh, Ngesub.

Budha Kliwon. Prenah Reramannya numadi ring Hyang Siwa, Wariga Gemet ngawakin, wenang linukat kadi palukataning Sang Gumbreg, wayahe nagih macaru di natahe, satta manca warna, matunggalan wadah, rumbah gilek, Nini nya, wayah ulian luh, wayah ulian luh di misan, Nini ulian luh, ngesub, wayah di nyama luh muani nagih matelah.

Weraspati Umanis. Sato Yoni. Tekaning mitra nia nunas numadi ring Hyang Iswara, Wariga Gemet ngawakin, wenang linukat kadi palukataning Sang Gumbreg, wayah nia nagih mabaya, diwau aoton, sega pangkonan, satta putih tulus, grih agung, tumpeng putih, penek abungkul, sarwa galahan, Nininya, wayah di nyama luh muani, wayah di misan luh muani, Nini ulian luh, ngesub.

Sukra Paing. Satrya Bodha, Tekaning Mindon nia nunas numadi ring Hyang Brahma, Wariga Gemet ngawakin, wenang linukat kadi palukataning Sang Gumbreg, carik sato, caroning kadi ring C, muah wayah nia nagih masakapan ring paturon, wayah di nyama, wayah ulian luh, wayah ulian luhdi nyama ulian luh, nagih matelah, Buyut nia nagih mahatuiran di Pajenengan, Nini ulian luh, Nini di misan, Nini ulian luh di nyama, Ngesub.

Saniscara Pon. Paman nia nunas numadi ring Hyang Maha Dewa, Wariga Gemet ngawakin, wenang linukat kadi palukataning Sang Gumberg, prenah wayah di nyama nagih malukat di Sanggah, wayah ulian luh nagih mahang nyama ngamah nghinem, Nini nia ngesub, Kaki di misan, Nini ulian luh, nagih matelah, Nini di misan, Kaki di misan, Ngesub.