13. Langkir

13. Langkir, Radite Umanis.

Wetuning Raray. Sato Yoni. Tekaning mitra nia nunas numadi ring Hyang Iswara, pangawak Sang Walaka, dumadi Sang Khala Langkah, manadiaken Sang Pitra janma 11, urip 6, lengeng palemahan nia, kalak kakyon nia, Bremara manuk nia, Lembu sasto nia, luluku lintang nia, lanang ya, lengker rahi nia, akas rambut nia, sada lukus bahu nia, sada lekok dada nia,langkah lalakon nia, lengker karna nia, langkab meda nia, kreng dinia, pasimpenan nia gedong menga, lumbung mesi, pawreti nia dang alayar, ya kalaran de Sang Khala Langkah, amalaku lukat dinius kinurungan soring panekakan, Puja ring Wana Gamana, babanten nia maka panebud ring lalurung, sekul sapenek, iwak pajagalan, sajeng tan sinaringan, luluh salawe, tumpeng papanggang ayam, sekul gurih linambaran ayam, sarwa pawitra, sambat Sang Khala Sakti, kunang yan tanpahayunen, lara wehan nia, anglumar, kaku, wekasan rumpuh, kukul koreng, kalangan, linu dalaning pawasan, ya kalingkeran, muah lumpung, lawang nia, muang Kamulan karang ulu nia, lambing likah milu amirudaning, meweh kawongan, kadang awak ta mamisaya, doning kakung amilara, muah wayah nia nagih mahaturan di Pajenengan, Nini nya nagih masakapan di Brahma, wayah di nyama nagih masakapan di Sawah, wayah di misan, Nini di nyama, wayah ulian luh, Nini ulian luh, wayah ulian luh di nyama, wayah ulian luh di misan, pada nagih masakapan di Sema.

Soma Pahing. Satrya Pungakan. Tekaning mindon nia nunas numadi ring Bhatara Brahma, Walaka ngawakin, Khala Langkah dadya janma,Pitara rineka 11, urip 6, wenang linukat kadi palukataning Sang Langkir, carik mina, nagih masakapan di paturon rare, tumpeng 2, satta pinanggang, sega sapanjang, iwak pajagalan, rinancana, pipis 555, beras 5 catu, geneping saji, kunang yan tanpa hayu, ala temunia kang raray, yan mati salah pati, mati kajeleg, mati lumaku, mati matik sumilang, mati ngipi, muah wayah nia nagih mahaturan ring Sanggah Kamulan, suci asoroh, wayah ulian luh nagih masakap di Pasar

Nini di nyama nagih masakapan di Bale Wetan, wayah ulian luh di nyama, wayah di nyama di misan, wayah ulian luh pada ngesub.

Anggara Pon. Prenah Paman nya nunas numadi ring Hyang Maha Dewa,l Walaka ngawakin, Khala Langkah dadya janma, Pitara rineka 11, urip 6, wenang linukat kadi palukataning Sang Langkir, muah ile – ilenan nia, panumadiania, tatagihan nia, tunggal kadi ring arep, kadi ring C

Budha Wage. Prenah Kakin nya nunas numadi ring Bhatara Wisnu, Walaka ngawakin, Khala Langkah dadya janma, Pitara rineka 11, urip 6, wenang linukat kadi palukataning Sang Langkir, Nini nyane nagih maskapan di Brahma, Kaki nya, Nini ulian luh, Ngesub, wayah ulian luh nagih mahaturan ka Sanggah, suci asoroh, Nini di misan, wayah di nyama ulian muani, Nini di misan ulian luh, sami pada ngesub.

Weraspati Kliwon. Prenah Reraman nya nunas numadi ring Hyang Siwa, Walaka ngawakin, Khala Langkah dadya janma, 11, urip 6. wenang linukat kadi palukataning Sang Langkir, Nini nia nagih malukat, Nini di nyama, wayah di misan, wayah temen, Ngesub, wayah di nyama, Nini di misan, Nini ulian luh, ika sami pada ngesub.

Sukra Umanis. Sato Yoni. Muah mitra nia nunas numadi ring Hyang Iswara, Walaka ngawakin, Khala Langkah dadya janma, pitara rineka 11, urip 6. wenang linukat kadi palukataning Sang Langkir. Dina kacarik, wenang sakapan kadi ring C. muang wayah nia ulian luh, wayah ulian luh di nyama, wenang sami pada ngesub.

Saniscara Pahing. Satrya Kadang Aji. Muah Pitra nia nunas numadi ring Hyang Iswara. Walaka ngawakin, Khala Langkah dadya janma, Pitara rineka 11, urip 6. wenang linukat kadi palukataning Sang Langkir, muah wayah di nyama nagih malukat di Sangga Kamulan, hana sahupataning bapa, wayah ulian luh nagih mahang nyama ngamah nginem, Nini di nyama, Kaki nya, wayah di misan, Nini nya, Nini ulian luh, Nini di misan, ika sami pada ngesub.