12. Kuningan

12. Kuningan, Radite, Wage.

Wetuning Rare. Kakin nya nunas numadi ring Hyang Wisnu, Pangawak Sang Khala Ngon, Dumai Sang Dhurga, Pitra 15, dinadiakenurip 8, tanah haking palemahan nia, kepuh kakayon nia, Kamuning manuk nia, Kucing sasato nia, lintang nia kukus, istri ya, sada nanag rahi nia, sada bang rambut nia, sada tipis kuping nia, awak nia awak lanang, kuning warna nia, kanginan medan nia, ndatan lagawa ring pagawe nia, ring cangkem ring mata klesa nia, pasimpenan nia gedong ineb, lumbung menga, pwreti nia angereh wong, ika tangarin, ya kalara de Sang Dhurga, nagih malukat soring waringin, madyus kinurungan, pinuja ring Dhurga Gaman, babanten nia maka panebus ring traptapan, tumpeng mas ginitir, pupula linubeng lewih, ayam ingolah, antelu ginoreng, tumpeng papanggang ayam, sekul gurih linambaran ayam, sarwa pawitra, dalaning caru maharep pascima, samabta Bhagawan Weraspati Hyang Uma, kunang yan tanpahayunen, lara wehan nia, akaku angsuh, angelu gumeter, kalud kahapitan, tur pakarangan nia panes, kalening waringin, ya milu milara, muah wayah nia nagih masakapan di Brahma, wayah di nyama, Nini nya, wayah di misan luh muani, wayah ulian luh lanang wadon, wayah ulian luh di nyama, pada ngesub, hana tumitisan nia mati di Pasih, nagih angkid.

Soma Kliwon. Prenah Reraman nya nunas numadi ring Bhatara Siwa, Sang Khala Ngon ngawakin, Sang Dhurga dadiaken pitra, 15, urip 8, wenang linukat kadi palukataning Sang Kuningan, wayah nia nagih masakapan di traptapan umah meten, wayah di nyama di misan, wayah ulian luh, ngidih nasi, wayah ulian luh di nyama, Nini di misam, Nini ulian luh, Nini di nyama di misan, Kaki di misan ulian luh, pada nagih masakapan di Sema.

Anggara Unanis. Sato Yoni, tekaning mitra nia nunas numadi ring Bhatara Iswara, Sang Khala Ngon ngawakin, Dumadi Sang Dhurga, pitra 15, urip 8, wenang linukat kadi palukataning Sang Kuningan, Sang dumadi nagih macaru di traptapan, sekul sawakul, tumpeng ginitir,satta winanun urip, pupula linubeng lewih, sirami santen lendis, antiga gerih ginoreng, pipis 555,beras 5 catu, geneping saji, sambat Hyang Uma, Sang Bhuta Weraspati, kunang yan tanpahayunen, ala temunia, tan saidep tutur, tanpa manggih boga, yan mati salah pati, mati perih – perihin wong ala, mati gering anglayung, mati kamangawan, mati alungguh, mauh wayah nia katepuk kategah bahan Sang Guru, nagih tebusin di Sanggah Kamulan, wayah ulian luh di misan, Nini nya, Nini di misan, wayah ulian luh di misan, Nini ulian luh, pada ngesub.

Budha Pahing. Satrya Agung. Tekaning kaprenah mindon nia nunas numadi ring Hyang Sakra, Sang Khala Ngon ngawakin, dumadi Sang Dhuga, 15, urip 8, muah wayah nia di nyama, wenang linukat kadi palukataning Sang Kuningan, muah wayah di nyama, nagih mahaturan ka Sanggah, bebek putih jambul, suci asoroh, wayah ulian luh lanang wadon, wayah ulian luh luh muani, Nini di misan, wayah ulian luh di misan, Nini ulian luh, pada ngesub.

Weraspati Pon. Prenah Paman nya nunas numadi ring Hyang Maha Dewa, Sang Khala Ngon ngawakin, Sang Dhurga adadiaken pitra 15, urip 8, wenang linukat kadi palukataning Sang Kauningan, caroni kadi ring A, muah Nini di nyama, wayah di misan, wayah nya ngesub, wayah di nyama, Nini di misan, Nini ulian luh hana tumitisan nia mati labuh nepen tunggak, nagih masakapan di tunggak.

Sukra Wage. Prenah Kakin nya nunas numadi ring Sang Hyang Wisnu, Sang Khala Ngon ngawakin, Sang Dhurga adadiaken pitra 15, urip 8, wenang linukat kadi palukataning Sang Kuningan, wayah nya, wayah ulian luh, wayah ulian luh di nyama, ulian luh di misan, wayah di nyama, nagih matelah, Nini ulian luh di nyama, hana tumitisan nia mati kacarik, nagih malukat di pahempatan.

Saniscara Kliwon. Prenah Reraman nya nunas numadi ring Bhatara Siwa, Sang Khala Ngon ngawakin, Sang Dhurga adadiaken pitra 15, urip 8, wenang linukat kadi palukataning Sang Kuningan, muah wayah di nyama nagih masakapan di paturon, wayah ulian luh nagih mahang nyama ngamah nginem, Nini nya di nyama ngesub, wayah di misan, Nini nya, Nini ulian luh nagih matelah, wayah ulian luh di misan, hana tumitisan nia nagih malukat.