20. Medangkungan

20. Medangkungan. Radite. Kliwon.

Wetuning Raray. kaprenah Reramannya nunas numadi ring Bhatara Siwa, Bhuta Manda ngawakin, Dumadi Sang Bhuta Ngo, Pitra 12, kang ajadma urip 7. lemah mendek palemahan nia, karoya kakayon nia, kapudi manuk nia, manjangan sasato nia, linang nia kendel, lanang ya: rowah rahinia, alit karna nia, akas rambut nia, muda warna nia, muda jeneng nia, tan lagawa ring duwe nia, sudha karep nia, kereng budhi nia, pada ajanangki dening wong, ring mata ring weteng kalesa nia, pasimpenan nia gedong ineb, lumbung tukup, pawreti nia asewakan kasukan nia, to ya priksanin, ya pini lara de Sang Bhuta Manda, de nia tanpangon ring sarwa Khala, amalaku lukat ring kandang, hana Raja Agni, babaten nia maka panebus ring areping Ibu, tumpeng putih, satta pinanggang, malih tumpeng antelu kinulub, sarwa pawitra, rarakih iding waringin, sambat Bhuta Sumangan, Hyang Jagat Pati, kunang yan tapahayunen, muah karang nia kalingkeran, kang ngupaya prenah mantu, yen wangaru – maru nia misaya, tur karang nia, tampeki kandang, karing kandang kateka, muah wayah nia nagih mahaturan ka Pajenengan, wayah di nyama nagih masakapan di Sema, Nini nya mati labuh di lawangan nia, nagih masakapan di lawangane, sasayut Naga Sari, rantasan saperadeg, wayah di misan luh muani, Nini di nyama, Wayah ulian luh, Nini ulian luh, Nini di nyama ulian luh, sami pada ngesub.

Soma Umanis. Sato Yoni. Tekaning mitra nia nunas numadi ring Bhatara Iswara, Bhuta Manda ngawakin, Dumadi Sang Bhuta Ngo, Pitra 12, kang ajadma urip 7. wenang linukat kadi palukataning Sang Medangkungan, carik janma, Sang dumadi nagih maskapan di Pratiwi, sokan sapanjang, sata linambaran, antiga ginoreng, pipis 888, beras 8 catu, deneping saji, sambat Hyang Catur Warna, Bhuta Sumurah, kunang yan tanpahayunen, ala temun nia, yan mati salah pati, mati kapangawan, mati akrubuhan gunung, karubuhan kayu, mati slah ujar, tanpa ngidep tutur, muah wayah nia nagih malukat di Brahma, Wayah ulian luh, Wayah ulian luh di nyama, Nini nya, Nini ulian luh, Nini di misan, hana wayah nia mati di Pasih, nagih angkid.

Anggara Pahing. satrya Pradewa,tekaning prenah mindon nia nunas numadi ring Bhatara Brahma, Bhuta Manda ngawakin, Dumadi Sang Bhuta Ngo, Pitra 12, kang ajadma urip 7. wenang linukat kadi palukataning Sang Medangkungan, muah wayah nia nagih malukat, wayah di nyama luh muani, Wayah ulian luh, Wayah ulian luh di nyama, wayah di misan luh muani, Nini ulian luh, sami pada ngesub.

Budha Pon. Prenah Pamannya nunas numadi ring Bhatara Maha Dewa, Bhuta Manda ngawakin, Dumadi Sang Bhuta Ngo, Pitra 12, kang ajadma urip 7. wenang linukat kadi palukataning Sang Medangkungan, wayah nia nagih maskapan di natahe, Wayah ulian luh, Ninin nya, Nini di misan, Nini di misan muah di nyama, wayah di nyama ngesub.

Weraspati Wage. Kakinnya nunas numadi ring Bhatara Wisnu, Bhuta Manda ngawakin, Dumadi Sang Bhuta Ngo, Pitra 12, kang ajadma urip 7. wenang linukat kadi palukataning Sang Medangkungan,Nini nia nagih mahaturan ka Sanggah, suci asoroh, Nini di nyama, wayah di misan, Nini di misan, Kakin nya, wayah di nyama, Nini ulian luh, sami pada ngesub

Sukra Kliwon. Prenah Reraman nya nunas numadi ring Sang Hyang Wisnu, Bhuta Manda ngawakin, Dumadi Sang Bhuta Ngo, Pitra 12, kang ajadma urip 7. wenang linukat kadi palukataning Sang Medangkungan, din kacarik, wenang sakapan kadi ring C. muah wayah ulian luh di nyama, Wayah ulian luh di misan, wayah di nyama, Buyut nia, Nini ulia luh, wayah di misan, hana tumitisan nia mati kacarik, nagih maskapan di uloning Setra.

Saniscara Umanis. Sato Yoni. Tekaning mitra nia nunas numadi ring Bhatara Iswara Bhuta Manda ngawakin, Dumadi Sang Bhuta Ngo, Pitra 12, kang ajadma urip 7. wenang linukat kadi palukataning Sang Medangkungan, wayah di nyama, wayah di misan, Ngesub, Nini nya, Nini ulian luh di nyama, wayah di misan, Ngesub. Nini ulian luh, Nini di misan, Ngesub, wayah ulian luh di misan, hana tumitisan nia nagih malukat.