Beroketa

Zer da beroketa?

Beroketa edozein aktibitate fisikoaren aurretik egiten diren ariketa multzoa da

Beroketaren helburuak

Beroketak helburu garrantzitsu bi bilatzen ditu:

Egingo dugun aktibitate fisikoaren errendimendua hobetzea. Pentsatu behar dugu lasaitasunetik aktibitate fisiko edo kirol bat praktikatzera pasatzeko, tarteko fase bat dagoela; beroketa hain zuzen ere.

Adibidez: Pentsaezina da atletismo lasterketa bat baldintzarik onenetan egiteko, ohetik altxatu eta berehala. Zergatik? Gure gorputza lasterketa burutzeko prestatu behar dugulako.

2. Lesioen arriskua murriztea. Badakigu edozein kirol praktikatzean lesioak jasan ditzakegula. Gainera giharrak hoztuta izan ezkero, lesio bat jasateko posibilitate askoz ere handiagoa izango dugu. Beroketa egoki batek gure giharren tenperatura igoko du eta horrela lesioen arriskua gutxitu.

Beroketaren efektuak gure gorputzean

Bihotza aktibatzen da eta era berean zirkulazio aparatua (arteriak, zainak, kapilarrak…). Bihotz taupadak bizkortu eta sendotzen dira. Odola azkarrago joango da eta giharrei oxigeno gehiago helduko zaie.
Arnas aparatua aktibatu. Beroketarekin arnasketa azkartu eta sakondu egiten da. Birikietara kanpoko aire gehiago helduko da, horrela oxigeno gehiago lortuz.
Gorputz tenperatura igo. Gure giharrak errazago mugituko dira eta lehen esan dugun bezala lesioen arriskua jaitsiko dugu.

Nola egiten dugu beroketa?

Beroketa era askotan egin daiteke, baina beti printzipio hauek jarraituz:

Astiro hasi eta pixkanaka-pixkanaka erritmoa bizkortuko dugu. Ez dugu nekea lortu beharrik, era honetara geroago egingo dugun kirola edo ariketentzat lagungarria suertatuko zaigu.
Saiatu behar gara ahalik eta gorputz atal eta artikulazio gehienak mugitzen.
Beroketa eta kirola edo ariketa fisikoaren artean ez dugu denbora gehiegirik pasatzen utzi behar, bestela berriro ere histuko gara.
Mugimendu arinak eta lasaiak tartekatzea.
Luzaketak egitea.
Iraupena: kirolaren arabera oso aldakorra da (10‘tik 60’ra)

Beroketaren parteak

2 zati desberdinduko ditugu:

Orokorra

Atal honek kirol guztietarako balio du. Hemen gorputz atal guztiak mugituko ditugu.

Espezifikoa

Ondoren egingo ditugun ekintzetan bereziki erabiliko diren gorputz atalek hartzen dute parte. Horrela landuko dugun kirolaren arabera, beroketa berezi bat prestatuko dugu.

Report abuse