Altuera-jauzian edo gorako jauzian jauzilariak bulkadako korrikaldi baten ondotik goranzko jauzi bat egiten du, oin baten gainean oldar eginez, garaiera jakin batean kokatua dagoen langatxoa edo listoia gainditzen edo pasatzen saiatuz.

Altuera-jauziko Fosbury estiloak lau fase ditu: lasterraldia, oldarra, hegaldia eta listoi-gainditzea eta erortzea.

Jauzilariak, korrikaldi baten ondotik eta oin baten gainean oldar eginez, jauzi horizontal bat egiten du, ahalik eta distantziarik handiena lortu ondoren hobian erortzeko.

Luzera-jauziaren teknika Jauziaren faseak hauek dira: lasterraldia, oldarra, aireko fasea edo hegaldia eta erortzea.

Hesi-lasterketen helburua da helmugara ahalik eta arinen heltzea ibilbidean jarrita dauden oztopoak pasatuta. Horretarako, hesiak ahalik eta arinen igaro behar dira, hesiaren aurretik eta ostean bizkortasunez korrika eginda.

Hesiak gainditu behar badira ere, hesi horiek gainditzean ahalik eta denbora txikiena galtzea da proba honetarako teknika onena. Beraz, ahal duen neurrian eta teknika erabilita, atleta saiatuko da hesi-lasterketa lasterketa laua balitz bezala korritzen. Hesi-lasterketak berez abiadura-lasterketak dira, baina zertxobait moldatuta.