另一隻係細個俾模型鋪啲老屎忽呃嘅牙膏畢地

用黎補偷膠9成機會會縮膠

呢隻野用法我會用天拿水開稀再用筆上，上完打磨

用黎補膠表面嘅輕微凹痕

呢支野一街都係，有白色同灰色

Gsi都有同款，用法都係一樣

胡鬚女人隻腳就係用速形固打後上左牙膏畢地磨先磨返滑

我建議用400-600號沙紙打磨就ok

呢隻視乎上幾厚，一般幾個鐘都乾得哂

如果用thinner開稀薄薄一層會再快啲

留意如果用天拿水開稀

但係上錯色要洗油佢係會甩

講完田宮，咁緊係講另一隻都幾常見嘅mr hobby 高密度

呢隻高密度又係個人好鍾意

佢伸展力同田宮快乾差唔多

搓到好薄都唔易穿

好處係佢都係好好磨，200-400度沙紙就磨得平滑

而且乾左唔見佢收縮得好勁

不過粘力有啲高，有時想貼住隻模型加建

乾左會痴實係舊模型度抆唔到，最後要破壞舊畢地先得

我唔建議用呢隻黎補高達啲武器

因為佢真係好重，反而呢隻用黎補腰補腳

呢啲下半身重心會好啲

當然雕旗袍學生妹都可以

搓薄片嘅話3-4個鐘都乾得7788可以用刀𠝹

厚嘅應該要耐啲先乾

Mr Hobby嘅超輕量

一個字，超輕

伸展力唔高，拉少少就裂

強烈建議用黎補盾同手臂

我暫時都唔覺佢縮膠

我覺得乾嘅時間同上面差唔多

Modo 嘅速形固打係一隻超快乾嘅物料

佢乾嘅速度同AA膠爽身粉一樣，超快

不過就難控制，有時會落多左硬化劑有時又唔夠

而且要佢乾乾地先塑到個形

用黎補偷膠都無咩問題

塑造形狀嘅話就要好似啲裝修工人咁用膠板搭模

下面邪神個裙甲就係其中一個搭模嘅例子

呢隻乾左會硬，用沙紙磨個感覺似係磨緊石頭咁

雖然未硬到要用銼，不過都用180-220沙紙打磨

呢隻野好臭，真係好撚臭

要開抽油箱先好用

跟住就係女僕鋪最愛嘅magic sculpt

一次要買好多又好貴，好唔好用就見人見智

補高達偷膠完全無問題

伸展力一般，所以拉長整頭髮果啲可能要啲技巧

佢乾嘅速度大概3-4個鐘，薄片或者細件應該仲快

大家最愛嘅胡鬚女人成個頭入面就係magic sculpt

呢隻野除左無乜地方有得賣

擺耐左佢個硬化劑會氧化變色好似下面咁

用就用到不過搓緊個感覺好怪

如果用黎整啲好大量嘅野

好似場景咁可以一戰，佢賣得貴但係買到好多

圍返可能平過上面田宮

但係會長期作戰嘅巴打就要考慮下擺嘅地方