HiQ parts inkjet printer專用白色水貼底紙

第三作, 櫻花大戰3 ~巴里在燃燒嗎~ 1/24 光武F2(エリカ)

今次呢就大撚鑊喇, 表面唔可以再做太多後期製作掩飾瑕疵, 要做到真係接近量產品嘅水準

真係算係既考經驗又考手工嘅一次

其實個project原本就冇咁複雜, 單純係兩個咁樣嘅十字架就算架喇,

但機體中間個大十字架張水貼同一次一樣都係因為飽受歲月摧殘而變黃變脆, 再加上本身中間隻黃色太檸檬黃, 唔係接近好原著

左手肩甲條紅線都試做埋挑戰下幼線嘅效果如何

所以決定一次過埋, 令成個project變到好麻煩

首先我scan咗本身嗰張水貼

吸收咗上兩次嘅教訓, 今次買咗HiQ parts嘅inkjet printer專用白色水貼底紙

因為貪佢又白又好似上次透明紙咁薄

印完出嚟效果幾好, 但要留意inkjet printer嘅墨喺喱張紙上面要乾好耐, manual上面建議12個鐘, 我個人經驗係放咗足足一日先會完完全全乾晒, 撳佢都唔甩嗰隻

但係心急如我喱啲撚樣就喺6個鐘之後就開始處理佢

Manual上面話乾咗之後喺表面噴硝基透明油, 如果用噴罐佢話建議分5-6層噴

屎忽鬼如我乾噴咗一層之後再濕噴咗一層就落手了

我心諗…5,6層? 會唔會太誇張, 啲撚屌平時滲線前噴一層都話厚, 5,6層咪仲厚過啲廢老塊面皮?

自作主張嘅我就咁開始痴了

痴孖筋真係發現新世界, 好撚貼服好撚薄

就算好似我咁偷工減料都冇問題咁濟, 只有出力咗少少唔小心撩起嘅白邊之外就如圖一樣公整又Sharp醒

同埋我真心建議跟manual所講咁噴足5 ,6層, 因為而家喱個情況就真係薄得有啲誇張, 有啲難控制, 好易巢皮

另外喱隻紙同finemolds嗰兩隻最大差異係hiq parts喱隻有彈性, 你係可以拉伸一定程度嚟修正位置

但可惜真係太厚嘅關係紅色幼線係完全用唔到咁濟, 甩出嚟之後就會自己捲埋跟著啲墨就會散

所以我諗5, 6層油真係冇伏, 我今次就兩層1乾1濕, 他朝一日自己做可以再實驗下

另外就係marking softer唔再好似finemolds嗰張咁冇乜效果, 我下半身個曲面都係用softer,一下一下咁掃下壓下,之後再掃下又壓下,就好貼服咁settle好

今次算係最成功嘅一次, 雖然最後做唔到幼線喱樣有啲可惜但如果要做啲一般會見到嘅紋章, marking之類真係算係理想嘅solution

另外有樣嘢要提醒嘅係用喱隻紙嗰陣如果部機有得校紙質嘅話試下轉做相紙setting, 因為我第一次print嗰陣佢當咗我做白紙, 部機夾得太實搞到出嚟嗰陣部機hi花咗少少

喱篇暫時講著咁多, 未來打算突破嘅位係「印白色」

之前見過喺printer到改用white toner去印但其實都有啲另類繁複少少嘅做法去達到, 例如下面喱條片咁, 未來或者要再自己整水貼嘅時候再研究下

希望睇到喱到嘅你叫做有啲得著

Page updated

Google Sites

Report abuse