健康安全相關
所謂學噴油唔難，點樣玩得安全又健康先係最難，以下係一D 比較緊要既基本知識希望可以幫到大家。
其實玩得噴漆特別係油性，話無對健康有影響就呃你既姐，不過正所謂玩都可以玩得醒目d，做好本份都可以將影響降到最低。
咁我都明香港地寸金尺土，唔係人人都可以將成壇野放係客廳露台，如果真係要放係睡房自己房既話，有幾樣野都可以做既
空氣清新機，當你見到部機個數升到好似龍珠d戰鬥力咁百幾二百起跳 你就會明唔用抽風同玩命無分別。
抽油箱+良好既出風位(唔明可以參考你廚房個抽油煙機)
玩得噴油口罩(豬嘴)都係基本野，用完既口罩要放係密封環境，咁個過濾層就耐用D
如果你慣左一支油成支開，咁個玻璃樽就直接掉左佢。而開好左既油同開油水之類唔用果陣最好搵個密實盒裝好佢，事關你就算個蓋你擰到點實揮發過程d味一樣滲到出黎，無謂日日都high住d thinner黎訓(唔信可以放支野入密實袋，一個鐘後打開索下，我試過放三層密實袋都一樣有味)
萬一索到有thinner味真係要逐支油check睇下邊支擰唔實，基本上少少唔實都已經會勁大浸味。
有蓋既垃圾筒，噴油既過程你一定會用大量既紙巾，紙巾索過開油洗筆水真係三日三夜都仲有味，有蓋垃圾筒可以減少揮發到一屋都係，最好當日玩就即日包好掉埋佢。
床簾、床笠，呢個其實就唔係對健康有咩關系，不過要開壇果陣笠住張床就會好D，一陣彈左D油上床你都啦咪話唔煩。
以下仲有D常見問題
Q1. 其實抽油箱係咪一定要有海棉? 但係用左抽力好似無咁勁?
A1. 其實過濾棉既目的係過濾顆粒，避免直接將油漆入面既顆粒直接抽出街做成污染(等同大家口中廢佬放飛劍)，而且顆粒直接接觸抽氣扇亦會減低其耐用度，為己為人都係裝返過濾棉啦。(話唔埋呢頭抽出窗你屋企人係另一間房開窗吸返晒)
Q4. 倒瀉開油水、放棄唔玩、開油開錯色唔要，呢類廢水點處理(油性)?
A4. 千奇唔好直接倒開油水(thinner) 落洗手盤、馬桶、水渠等，因為呢類稀釋液本身就有腐蝕性，一般膠喉分分鐘會爆，一定要非常小心。
處理方法可以先用廁紙、紙巾或報紙吸左D thinner再用膠袋包好，因為thinner係會揮發要掉請掉係有蓋既垃圾桶。
如果你有成支開油水/洗筆水/油係手唔要可以轉售/轉讓比其他人，因為一大支要處理真係有D難度。
Q5. 倒瀉油，一地都係點搞好?
A5. 可以用開油水抹就可以，唔好用洗筆水抹因為腐蝕性太強。
以上為個人建議