各廠基本技術簡介 by快樂山埃

其實模型，大家都係射出成型，點解大家既質素價錢等等會差咁遠?

其實唔同廠既成本造型技術難度方面注重既取向唔同，

有d廠要技術點到極先發到圍，有d廠成本低cheap到喊就夠，勁樣衰都可以有客收貨。

模型你大約當主要做既有三部份係考緊工業實力同廠家功力，

開發，做模，生產(marketing 呀ip果d唔鬼理住先啦)

1.開發

現在多數電腦畫3d你想幾天花龍鳳都有，間間廠可能都買到同一set軟件黎用，唔同廠既分別除左造型外，

就係套件分件/分色既logic，甚至係縮膠計算同埋框架runner點樣走既經驗分別。例如金屬成型色既件做細粒d，水紋就會渾然天成d，

b社有樣野係勝過其他廠既地方就係呢度，就係自家動畫出果陣玩具都諗埋要點做，所以多數d角色既分色分件設計都係方便於兼用同埋出模型的。

相比起其他廠要買ip開發，因為人地出作品時冇諗過會出模型，天馬行空咁畫圖，就會出現模型水貼地獄或者補色地獄就係咁解。模型完成度既高低開始係呢度已經好大分別。

2.做模

用cnc機雕個鋼模出黎，呢度已經反映緊唔同廠甚至於唔同國家既實力，

cnc既精度直接等同模型精度，日本廠呢方面真係世界領先既，

部份日本牌子但mic既模型都係日本做模再寄去支那做生產，

因為除左cnc部機，仲有經驗技術人員先舞得佢掂既，

呢個都係b社mic生產線咁垃圾，同埋支那廠模型成日要用大力金剛指先啪得埋既其中一個原因。

3.生產

拎個模去做射出成型，講緊考驗間廠對顏色膠溫度控制同qc，當然仲有外加工例如電鍍，噴色，預印刷，

呢方面各個廠做都做得咁上下，支那廠偷左b社個模都做到鳩達出黎既，

但係b社有自家既多色成型機技術好成熟，可以做到成型件一框多色慳成本，

同樣做分色其他廠要做4個框，b社一個框就做得完，業界領先就係咁既意思

(其他廠都做到多色成型，不過可能冇b社咁靚/qc上良率唔夠多/佢自己d客唔需要,所以少做咁解)

用返上面囡囡條腿為例，其實人體大小腿就唔係正圓既，係有少少不規則

b社為左慳成本同埋佢知佢d客唔會計較咁多(上面skip左既marketing)

所以畫分件出黎時一條過大腿，你咁樣左右反轉左都唔太覺裝錯的，

因為佢知自己d客夠平同埋係常紅ip就會買，就係"平到喊就夠,造型有妥協都可以有客收貨"

相比之下壽屋造型比較優先，所以點都係要左右合，左右腿有少少分別都畫埋做埋出黎，裝錯好覺眼的。

佢就係拎左個點係貴少少，同埋組裝唔方便，甚至需要補好多色都好，造型上唔妥協既位黎做模型定位。

有d技術更極端既就係做軍模車模果d，

d件細到米咁大但detail都仲好清，成本大增但只為個模夠精夠靚，

所以兩片單色框敢賣400蚊就係"技術點到極" 。