改色及配色思考法

由快樂山埃提供

點解睇到幾個色塊同一句對白，我地會諗起一套戲既經典場面?因為顏色可以輕易地引發我地既記憶同聯想，勾起你對事物既美醜批評，即係審美觀。

人係視覺動物，顏色及配色好易引發聯想，特別係經典人物及事物。呢個概念用係模型上面就會影響你對作品既觀感，例如銀同香檳金會想起中世紀貴族騎士盔甲，登霸；黑色武士盔甲會諗起黑武士同Starwar。

聯想之中有呢d參考會令我地覺得呢d顏色配搭係合理同存在。所以你會覺得順眼d。相反地你覺得整完某個唔夾，可能就係受左審美觀影響，覺得個顏色唔能夠容入你本身既作品入面。

講到顏色既重要，接住黎就講下感用係模型上面，改色配色係一個學問，基本上有好多科學同物理原因／要素會影響我地對顏色既感覺，包括

亮度：光暗及發色，表面處理
顏色對比度：兩種相鄰顏色或重疊顏色（前景/背景）之間的亮度差異／色塊既大小同比例差異

（我都唔係識好多，詳細可以睇下:https://medium.muz.li/the-science-of-color-contrast-an-expert-designers-guide-33e84c41d156）

人眼視線對同光暗及色系轉變既差異非常敏感，呢種正正就係帶黎順眼唔順眼，舒服唔舒服既感覺。

因此，幫一個作品重新諗配色(custom color scheme)同搵相應既表面處理，對業餘玩家黎講實在好吃力。在此我會建議冇諗頭既玩家，最簡單既諗配色／改色心法就係——增加設定

人好易因顏色判斷事物美好與否，良好既事物可以引起真善美的聯想，想作品好，不妨參考諗下以下方法增加設定：

1) 從經典作品搵配色

為你既作品加添更多設定，自行想像加d背景資料同故事落去，例如你既作品係真實系科技定係超級系科技？你既個世界既00高達, 開trans-sm變藍色？你隻leo係東方不敗專用機可以配返角色專用色或者用盟主高達既色改落去？想整隻金剛鸚鵡塗裝既cross bone？去搵有呢種特色既概有設定，由其他喜歡既作品拎靈感，例如想改金屬色，ironman裝甲，昆霸，五星物語等，大至搵下各作品既color scheme，小至睇下佢地點係銀金金屬色上面點綴兩野特別色就好醒神。有想像就有設定方向，做黎起就得心應手，成品最後都好易睇到，只要似你所講既設定或令人聯想到你意念源頭你就會成功。諗得掂一樣野後面都會通哂氣，例如如我決定左搵騎士盔甲做參考，水貼貼幾多部份就好易決定。因為騎士盔甲唔係真實系科技，可以只上少量水貼係需要既就得，貼合返你個想像。

高達Color scheme,用顏色聯想機體

2) 搵現實參考

除左其他作品，真實存在的事物做參考係最多野學既，因為現實中每一樣野的設計存在，大至形狀，小至顏色配色都有原因，好少會整隻角出黎話自己有角就快d，都好少會因為紅色就加速左。有真實參考會令你覺得成件事會順眼左。例如你想整一隻水底下用機體，去搵下潛水艇，鑽油平台，海洋生物搵靈感，真實設計同你既作品結合就會得到唔錯既效果。

例如我要整隻救援用ma.k機甲人扭蛋，一開頭素組下覺得佢好似直昇機，決定係呢個方向拎靈感。首先去搵下搜救直昇機係咩樣先，最深刻最多既結果就係海岸搜救隊既海豚直昇機