開油比例
開油比例
其實開油呢樣野就無固定既比例，新手而言一般都係以gaia modo為1:3，郡氏為1:2.5~3。某D油好似光油呢D可以先開1:2再視乎需要再加開油水。螢光油呢D本身已經稀身既油都係咁做。
記住開油同整甜品唔同，唔會因為你開多少少油(好似65ml開左68ml)出到黎成隻色會唔同左。其實只要慣左開油既稀度，基本上大約就OK，唔一定要用所謂既固定比例。
補上參考影片一條
(影片由來RX88 Hobby facebook)
玩油性油既朋友常問既問題，其實買油係唔係一定要用返同牌子既開油水。
其實所有油性既開油水都係可以共用既，當然你用返佢原裝果隻開油水效果應該係最好(應該...)
係呢個連開油水都可以比人掃晒既世代，真係買唔到都可以用其他牌子頂住先既。