以下節錄自 快樂山埃 既回覆
講漆膜就要講一隻顏料應該細分幾個部份：
顏色，溶劑，成膜，添加劑
即係色彩(顏色本身) + 膠(乾左成漆膜) + thinner(平均色彩用厚薄質地) + (任何影響漆性既野例如光啞面防發霉變色附加物)
模型油漆講既水性同油性
應該主要係講用咩野溶劑去thin佢，
＂油性＂個＂油＂字應該係指有機化合物黎Thin。
＂水性＂個＂水＂字應該係指用水／親水既溶劑黎Thin。
即係咁講，水性油應該就係用水黎溶劑？實情就唔一定，
因選擇用咩溶劑可能只係因為個顏料粒子大細同乾燥速度所以要選擇唔同既溶劑，
例如酒精粒子細過水粒子，所以，有部份水性油漆可以用油精或者水黎開稀，
只要上完色溶劑應該係要唔留係件野上面揮發走,就可以用黎開稀
水又好酒精又好x20都好.最後都係揮發畀你自己吸返
所以溶劑係有2個作用,1係令你壇野平均,2係揮發時令漆膜形成
只要個溶劑同顏色混入時唔會破壞佢/令佢起反應例如結塊就係可以用.
但多數係向下兼容唔係向上支援,你死好命係有原因既
ps:冇用過gsi既油
Acrysion Aqueous 可能就係果個色膜(膠)既部份唔同,但thinner一樣係水,所以都係水性油,呢個冇研究過
以下節錄自 見好就要識羞 既回覆
我又加把口， 先利申，我冇用過acrysion
我認為郡氏隻 aqueous(更新後）比較接近歐洲系水性（AV, AK) 。 Acrysion 似係一隻液化咗既"膠" 。
我試下盡量講下我理解既有關油漆（唔係顏色）既嘢。只係香港適用。首先係水性同油性，呢個最簡單，可以用水稀釋而唔出問題既就係叫水性，唔可以用水既就叫油性。再詳細既唔講喇，可溶性呢方面大家試都試到，冇乜唔清楚。
油性亦唔講喇，總知就油漆中既溶劑基本上都係有毒性的，請用抽氣扇或保持鮮風。
水性，就用aqueous(AV, AK) 黎試講下。正如山埃巴咁講，個組成都應該係色素（顏料），塗膜，稀釋劑，再加埋其他target-oriented 成份。
由於大部份顏料都係唔溶水的，所以要靠塗膜（acrylic) 去變成可以同水混和。試下咁理解，顏料係10，水係1， 咁塗膜就要混和顏料後要細過5先可以同水混和。
Acrylic 既造價喺成樽油漆佔既比重好大，如果要做到由10變2，而家技術上唔知得唔得，就算得價錢都唔會平，所以模型油大概就做到由10變4左右（估架咋，冇實際數字）。亦都係因為唔係1，所以你淨用水係唔會得到最好既稀釋分散。為咗要有靚啲既顏料分佈，稀釋劑亦都唔會全部係水。要平又安全既稀釋劑就係"醇" ，即係酒精。所以呢類水性油其實就係顏料，塗膜，水，醇（再加其他功能劑）。
因為冇溶劑（應該係話冇有機溶劑）所以可以話係非常安全的。
好喇，咁水性點解又有啲話係alcohol base呢？其實應該係稀釋劑中"醇" 既比例比較高，有啲甚至係接近冇水的（AV liquid gold) ，用水去稀釋唔係唔得，不過應該稀釋後顏料就唔會分佈得靚。返轉頭，呢類究竟係唔係水性真係值得討論。如果仍然叫水性好大可能係用咗毒性黎分水性油性，有毒稀釋劑就係油性，冇（咁）毒既就係水性。
Acrysion 應該可以理解為有顏色既液態膠水，乾咗變塗膜，中間完全用水做稀釋。
最後講埋，照計用水性就唔怕出鑊既，成份都係安全的。佢隻thinner應該都係水加醇，亂用都冇乜鑊既，應該。
Btw, 講多樣，油漆除咗溶劑毒之外，吸入顏料都係有礙健康的，記得戴罩呀各位巴打。