GM筆好唔好用?

編：快樂山埃

GUNDAM MARKER，通常簡稱為GM筆，是由GSI推出既一系列模型油漆，特性如下：

1. 以為酒精溶劑

2. 用Marker筆為包裝

3. 用高達為牌頭，顏色都以高達系列模型為目標

好多新手會視GM筆為上色塗裝既入門用既顏料，官方都用黎做廣告既賣點。

亦都成日有人問:GM筆好唔好用?

先講結論，我既答案係：不推薦GM筆，GM筆唔好用，GM筆智商稅黎。

我唔會全部係咁踩，GM筆有以下幾個大類，我都會分別講下每種GM筆好唔好用，我之後講下GM筆有咩優點缺點同埋可以點用，

而大家信唔信就自行決定啦。

GM筆分類 

GM筆其實都有幾種，有部份新手都係啱用的，以下用我唔推薦同推薦既黎分類

GM筆優點

1. 乾手淨腳，無需要稀釋或者任何功夫就可以用

2. 容易買到，各大小模型店多少都有

3. 色調配合高達系列模型，可以唔駛左揀右揀

留意返GM筆既優點並唔係佢既產品好好，而係因為Marketing做得好令人覺得新手好合用。

相反地，GM筆都有好多缺點，而且係產品本身既設計缺點

GM筆缺點

1. 油漆性能，好廢，好廢，好廢。

• 酒精base既油，只可以塗一層，就算同一隻色塗第二層上去時面層油漆會溶解左底層油漆，你有大少少既面積要油滿佢係冇可能的事。

• 同上原因，你想做疊色，底色上面上第二種顏色，遮蓋補色呢d小技巧都係不可能既。

2. 不能與其他油漆面油滲線筆互用，因為油漆性能好廢，市面上好多滲線產品或者面油，都係唔可以用係GM筆上色既零件上面，又係會有互相溶解甚至甩色既情況出現，就算自家既GM筆都係唔可以完全互相配合駛用的。

3. 筆頭垃圾，GM筆既筆頭係史詩級垃圾，首先個頭硬又細，上色時不平均又沒有塗抹效果，如果你上色面積大少少，或者大力少少都會畫穿上層色膜。

• 某部份收錢既KOL會推薦你擠出黎係調色碟上面另外用毛筆做筆塗或者用GSI出既GM筆專用簡易噴筆黎用。

• 咁你如果係用毛筆做筆塗既，一開始就唔應該選擇用GM筆，大把水性油都係不用稀釋就可以直接塗裝

• GM筆專用簡易噴筆直頭係沉沒成本既體現，套野幾百蚊支氣又幾十蚊，為左唔好浪費幾十蚊既筆去買幾百蚊既工具黎用係畀商家耍緊。

4. 貴，一支GM筆得5ML油漆，當你十幾蚊；同樣地一支水性AV油只係廿幾蚊就有17ML，點計都係唔抵的。

GM筆點用

GM筆只係適合係幾個情況用

1. 畀新手或小朋友安全同乾手淨腳既情況下體驗塗裝樂趣用。

2. 用部份推薦既GM筆做效果例如滲線同REAL TOUCH 陰影舊化。

3. 超級細面積既單層塗裝，例如只點落白化既水口位同埋高達眼之類既細位。

4. 想環保少少既，可以擠出黎係調色碟上面另外用毛筆做筆塗。

5. 車落垃圾桶，然後去買其他油黎用。