工具生鏽處理

模型工具大多數都離唔開金屬製品，好似剪鋏、打磨板、手銼等等。而金屬氧化就會生鏽，工具生鏽不但會影響外觀，更加有可能影響其效率。

呢支神之手銼(GH-KF-5-S)，我前後用左幾次就生左鏽，肉都赤埋...雖然生鏽程度未去到完全用唔到把野但係最終都係決去搞搞佢。

工具︰金屬亮光膏，布，手套
金屬亮光膏顧名思義就係可以去除金屬表面除鏽，仲有一定既保護作用

點用就唔太長盡咁講啦，用法同你一般既拋光膏完全相同，總之就係戴手套拎舊布起勢係咁捽，捽到D鏽漬唔見晒就得。不過由於佢係亮光膏，所以把野拋完係會變到反晒光

2021 11 22