內容為基礎資訊，如有任何錯誤請見諒

"水補土"姐係SURFACER，作用有幾個

A. 將件零顏色統一方便檢查瑕疵，仲可以遮返打磨後白化同埋無縫痕

B. 填補微細既痕跡 (正正可以解決好多新手問點解400#磨到1000#都仲有花痕既)

C. 加強油漆附著力

如果你見到其他人上色，唔難見到一個畫面就係隻模型噴水補土噴到一躂躂，有D位就灰色有D件就原膠色甚至黑色都有。點解呀? 因為模型既膠件本身就會有收縮凹位呢D問題，呢類瑕疵如果唔統一顏色用眼肉都幾難檢查，當噴完水補土乾左之後用800號既砂紙係件零上面輕輕打磨呢D瑕疵就會表露無違。

所以水補土從來都唔係只係單單噴一次，噴完又磨磨完又補補完再噴噴完又磨呢D畫面其實周不時都會發生，所以新手們真係唔好當"上灰"係儀式。

有一點係幾有趣，就係間唔中都會聽到有朋友問可唔可以拎水補土當主色咁用(例如當白色/灰色)，其實就無話唔得，只係水補土一般都會比較粗糙，有得簡都唔會咁樣做。

而郡氏既水補土有分編號，其實同砂紙原理一樣數字越大就越滑，一般黎講高達用1000就OK既啦。另外而家既"水補土"已經出到越黎越多唔同既顏色，作用就係為左方便用家可以噴少一層發色層，咁咩係發色層? 可以按此了解下