Embedded Files
今日跌左錢買左幾樣野,其中一樣係神之手PN-120,寫幾句開箱畀大家睇
買呢把野既主因係本身把田宮金剪畀我操到又生鏽又崩刃,
雖說其實仲用到,但有錢身痕都想買把新剪,
今日行過見到平平地,心郁郁想試下就買左PN-120試玩
(貓店參考價:匠剪$250,PN-120 $260,74035 $210)
揀佢既原因就係因為自問用野好粗,spn120一定畀我整崩用爛唔敢買,
pn-120相對地硬淨d,所以揀左佢.
以下用舊既田宮舊金剪(74035)同新買既神之手pn-120比較下,
利伸係唔公平既比較黎,大家可以參考下.
Test 1:剪RUNNER
以相同粗幼既RUNNER黎睇下切面既效果
金剪
粗:明顯見到係擠壓出黎既切斷效果.
頭段冇白化但去到中段白化,但冇白化果段因為擠壓關切口係完全唔平整
幼:因為未擠壓已經切斷左,只有好少好少既白化,切口唔平整.
PN-120
粗:單刃既切斷效果,白化其實唔明顯但都見到有白化,但白化相對地淺色,用指甲刮下更加變得唔明顯,感覺係切粗Runner等於金剪剪幼Runner既效果,切口非常平整非常靚既橫切面,冇擠壓既痕跡
幼:完全冇白化,同粗Runner既效果一樣
Test 2:剪件
用同一塊runner上面兩件一樣既件一樣既平面水口貼住剪對比效果
上:舊金剪
下:神手PN-120
(Sorry 對唔到焦)
金剪:冇白化,但個水口因擠壓畸形左,用指甲刮過去明顯地卡左一下.我自己習慣要用筆刀修完落手磨先收到工
神手PN-120:冇白化,好平,但其實同完全貼件仲有d距離,用指甲刮過去感覺到凸起但冇卡住,即係多左級樓梯既感覺.
可能要剪多d練習多d先做到一刀剪落去粒水口完全唔見左,如果素組既可能已經收左工.
由於我比較少咁用貼住剪黎用,所以唔評價啦,大家自己睇
整體評價:4/5
手感同金剪好似,不過手柄長少少同換左唔同色既手柄物料包覆.
因為係單刃有限制器令你施力時唔會撞到刃端,所以用起上黎唔駛特別留意有冇施力太大力,而且神手單刃真係唔係好駛出力就會剪到件落黎,真係好愉快既感覺黎,
其實以剪細水口冇白化既個目標黎講,田宮金剪都可以做到,不過擠壓切斷點都會切面唔靚,而神刃個切口好平,如果要求唔高既真係可以貼住剪就收工.
如果想買剪,兩把都係好剪黎,但差50蚊同埋保養上既困難,金剪真係冇得輸.新手如果問我買剪買邊把好,我就會答兩把都好,不過你粗手粗腳用野好唔小心既話就唔好買神手剪,好易會跌錢.呢個都係我覺得神手剪唔完美既一部份扣分位黎.
神手剪有好多野唔剪得,始終要有一把2號剪粗野用.而判斷d野神剪剪唔剪得新手黎講可能會一頭霧水,唔識分
如果你真新手一把剪都冇,我覺得買金牌剪用先,會安心唔怕試,中間既過程你試下就知咩係膠既軟硬度,邊種透明件硬到hihi,了解多d之後
想再試新野/把野舊左升級裝備先用神剪,舊既金剪當2號剪用都唔遲
如果係有把垃圾剪想換新剪既,買神剪係唔錯既選擇,舊剪唔好掉左佢住當2號用,剪粗野/透明件/好硬既膠就用佢,剪水口先用神剪就會安心好多.
Page updated
Google Sites
Report abuse