內容為基礎資訊，如有任何錯誤請見諒
發色層
本文章內容以硝基漆作準
其實單以字面解釋都大約已經可以理解到係一層用黎加強發色既油漆，目的就係使油漆可以展示出佢原有既色澤甚至更鮮艷。
一般而言最常聽到網上講既發色層就係「金屬色要噴黑色底灰，咁個金屬色會靚d」其實"黑色底灰"(黑色水補土)你亦可以噴完灰再噴一層黑色，效果係完全一樣。不過時代會不停進步，生產商為左方便用家免噴多一層油(油層越多就越厚，零件之間互刮甩油既機會就會增加)，現時已經推出左各種各樣常見顏色既水補土啦。按此了解下咩係水補土
開始離離地題講返發色層先，岩岩都有講過發色層會影響主色既色澤。善用發色層可以做到唔同既效果例如陰影之類，不過用得唔好就會搞到噴唔到自己心目中既顏色。
好似下面呢隻野咁，d 色係咪好古怪...放心我係唔會亂google 人地d 作品黎批評既，無錯呢隻係我人生第一隻噴既模型，要做錯既技巧都接近做齊，可以講係一隻完美既反面教材
人生第一隻上色既模型，而家睇返自己都想笑
不過都係先將目光放返係d 色到啦，其實高達呢d 大路色油我就一定無買錯既啦，d 色古古怪怪正正就係我當年傻傻地google 信埋d 生埃教學...基本上我成隻都係用黑色水補土，而家睇返都夠癲
成隻都用黑色做發色層，唔死先出奇...
大家都見到黑色發色層既"威力"啦...我成隻野所有既顏色都因為咁而變暗晒(暗紅色、暗黃色等)，你仔細d 睇會發現d 主色跟本仲係透返d 灰黑出黎，我可以同你講絕對唔係陰影效果黎。
網上圖片，暖冷色表
而家大家應該都明發色層既重要啦。講返油漆，暖色遮蓋力係弱d，部份色好似黃色咁係連最常用既灰色都遮唔晒，呢d 時候就可以先補一層紅色或者直接用gaia 既粉紅水補土，出黎效果會靚好多好多。
同樣係我早期既作品，我亦試過將一件粉紫色既件改色做橙色，噴到起砂都遮唔到層灰色水補土...最後先知原來有樣野叫發色層...
完全遮蓋唔到底色，亦因為發色層而搞到完全唔似橙色
最後係灰色上面噴一層紅色黎做發色層
(你亦會見到紅色噴左係灰色上面變左我都唔知乜紅色)
終於勉強噴到層橙色上去
至於冷色遮蓋力就比效強，一般用灰底已經無咩問題，雖然gaia 都有出藍色水補土不過我個人就覺得用途不大啦。
金屬色有一部份人就好堅持要用亮黑黎做發色層，因為有部份金屬色係亮底前提下效果會非常明顯，我自己就無咩睇法。我一般會用因應該金屬油既特性而自行判斷用邊隻發色層。
白色就係另一編講左，呢到就唔多講，可以按此了解下。
總括而言模型唔好怕做錯，最重要係可以係錯誤中學習。
最後呢到有編好文章，大家都可以花d 時間睇睇，學到唔少野
2020 12 24
2023 06 06更新