新手手油教學
AV油手油教學
由快樂山埃提供
事前準備/工具
首先手油AV油建議準備以下工具
1. 濕盤/調色盤
2. 畫筆
3. AV油
4. 水杯1-2個
5. Blutack/模型夾
6. 酒精
7. 乾濕紙巾
（選用：底灰，緩乾)
作業流程
開壇準備
1. 首先要預備好濕盤/調色盤,濕盤要濕定水(可以用廚房紙整濕將就使用)呢步好緊要,有濕盤可以唔洗加水落油度都可以令佢乾得冇咁快，大大增加操作時間
2. 水杯裝半杯水，我個人習慣一個杯用黎洗筆一個杯用黎保持支筆係濕潤既狀態
3. 油係滴出黎之前要搖至少20次，確保入面係均勻
4. 油一滴出黎就要可以開工油
開始上油
1. 由於每隻顏色每種蓋既AV油都有微微分別，建議試下先好落筆，以下係用藍蓋MECHA COLOR做例子
2. 沾濕筆頭,然後印走多餘水份，再點少量顏料
3. 跟住油上件上面，可以觀察下顏色狀況決定點油落去
4. 情況一：顏料遮蓋力非常好，附著力都唔錯，均勻咁係零件上面停留，你可以考慮濕潤地油一層上去令佢靠表面張力形成光滑表面，免去筆痕既煩惱，不過可能會比較厚的的。
5. 情況二：多數情況下顏料遮蓋力附著力都普通，油一筆上去好多筆痕而全完不可能一層就遮到底色，就要用薄油多層既方法(米字塗法)。具體做法就係向同一個方向油，薄油一層遮唔到唔緊要，轉90度再順方向油，重覆四至五次交錯地疊色上去就會有應有既遮蓋力同少啲筆痕。
出界補救
由於顏料一離開瓶口後就會開始乾，油上零件度可能已經乾緊，油出界補救要快手快腳。
就咁冇開油既情況下手油，上去零件後要抹一定要係佢仲係水的狀態下即刻抹先得，
如果手腳慢就要加水開浠少少，等佢乾得慢少少，咁操作時間就會多D。
所以一開始係推薦用濕盤，因為如果唔用濕盤，一滴顏料出黎開始已經乾緊，係筆上面又乾緊，一掃落去已經乾哂，係抹唔切的。
如果乾左要抹就要ready棉花棒同酒精，抹擦幾下就甩哂。
常見問題
Q:點解有筆痕?
A:原因有好多，支筆唔靚，顏料係筆上面乾左，你枝筆唔平，筆唔夠濕，掃得未夠多層都可能會有筆觸
Q:用咩筆好?
A:筆大致係分唔同材質同大細既平筆同丸筆，AV自家出既筆係人造纖維，毛筆就有豬毛或更高級既貂毛。睇你玩開咩比例而揀咩大細，1:100以下唔改色用中/小筆都夠做；平筆用黎掃大面積，丸筆用黎補色加DETAIL比較岩。除左油性油唔好用人造纖維筆其他應該冇咩所謂。
Q:平筆貴筆有咩分別?
A:材質唔同用到既油都唔同毛幼D食到多D顏色同少D筆痕，毛彈性好D會每次用力油落去筆觸粗幼相差少D，但我覺得一開始唔需要買好貴的筆，筆係消耗品黎，試岩確定自己有需要先買貴筆
A:如果你深信你既技術畀枝筆局限左,真係直接買D好既,但未必需要攻頂級既特別係你唔太識保養既怕用壞
我自己就文具鋪pentel,田宮面相筆,高級面相筆,同埋av既paint master都有試過,我一路換上去用後面果2枝時,真係feel到自己技術係解放左既,特別係av既筆彈性好好,keep濕都唔錯.
但都feel到自己未完全控制到呢枝筆住,所以叫我買貂毛我都只會答你用爛左現在果枝下次會諗
一支av=兩枝貂毛,如果真係要諗由文具鋪level換好d既筆,我覺得試下買中階既唔同筆頭/掃型試下會開心d