消光解說

消光本質上就係透明油 + 消光劑，原理大約係零件表面型成一層砂面塗層改變光原反射角度最終使零件表面光原散開減少模型塑膠感。

本身完全透明既光油如果經過多番濕噴、厚噴、喪噴後，形成厚厚既光油的確可以保護零件同油漆。但因為消光劑關系，消光係無辦法好似光油咁多層厚噴所以...

消光後既表面完全唔防刮、防磨，千奇唔好有一個錯覺認為消光係可以保護底層油漆，佢唯一既保護性就係可以代替面漆受罪，而且刮甩消光亦會有一個好明顯痕跡。

所以我認為消光可以當作

功能性塗層

同類既油漆就好似珍珠色之類，目的就係加強底層油漆視覺效果，最極端既利子就好似金屬色上消光去形造啞光效果。

之後延伸上面既問題

光油後再消光既可行性?

上面都講左厚厚多層既光油的確可以有明顯既保護能力，咁如果係厚厚既光油後面噴消光又會點呢?

消光照會刮甩底漆無事，仲要搞到零件表面更加厚，本身唔會互刮到既零件都會增加風險。係可動模型上面做呢個行為係非常浪費時間...

到底係咪一定要噴消光?

可以先考慮以下幾點：

1. 水貼既光澤同油噴表面既不一致

2. 油漆表面既光澤需要

3. 聲稱可以防UV消光既作用

再睇下有無需要噴消光，因為消光真係唔係一定要噴既。