Gsc chitocerium vi-carbonia adamas 心得by 快樂山埃
終於砌完隻Gsc chitocerium vi-carbonia adamas(多數人叫佢摺疊系列,台灣人叫個系列做摺疊社團)
因為太少人玩所以決定推下坑／介紹下
呢個系列係GSC主打奇幻風既囡囡模型，同現時市場上大部份機娘/囡既路線好唔同。可說係奇兵一支，而佢地又係守護者既設定黎，
第一彈係劍士，條裙同冇可能企到既腳係特色，
呢隻紅兵係第二彈，同藍兵前後腳推出，有少少似拿破崙時期法國士兵感覺
第三彈就係蘿莉同貓，最大特色就係…我要call fbi。
素體造形由淺井真紀擔任，樣式huke擔任畫師
先貼下成品相
砌完既感想有幾個，
先讚左先，素體設計真係好靚，收納盒真係好正，亦都用左好多設計上既巧思去遮醜，配件唔多自由度都唔大但絕對係誠意之作。造型都好還原，面相好靚完全唔似係第一次出囡模型既廠。
可動度係完全屈機，應該係同女神裝置新素體一樣等級既魔王級可動，可以做到摺埋抱住自己大腿呢個動作真係唔係隻隻囡都得。
但唔好既地方我想講長啲
第一就係GSC推出既囡囡模型既啤膠技術，迎合唔到淺井真紀既素體設計既需要。
由於囡囡既身體設計係唔容許用PC膠關節，所以呢盒野只有手，手腕同腳關節用左軟膠，關節更係有軟硬各一組畀你選擇。但係可惜既係GSC既量產技術去唔到呢個完全唔用PC膠既高度。基本上係每一件，每一個關節都有過緊既問題，你可以大力出奇蹟但係會轉唔撚郁／EE 聲叫救命。
每枝柱位都要磨過先砌到，我都因為不斷既拔插而咁買左個分件器黎用。
WAVE分件器真係好好用
GSC呢盒野係冇可能素組的，一定要有修整過先砌得到，基本既板件密合都係有問題的。完全可能係灰模冇問題一落機啤膠時縮膠／模具問題黎，廠既生產技術反映唔到淺井素體既高度。
同b社比:你可以唔撚磨啪好一盒；同壽屋比你只係要部份柱需要磨，技術真係有待進步
第二係對新手唔友善，上面提到既板件密合度外，又有一啲新手係好難處理既問題，例如上半身前後合埋唔知點解係有好大條夾口，我研究左成日先發現其實唔係有夾口，因為上半身要插膊關節落去，但膊頭佢啤得唔好，一裝落去成個背果件就會曲左
( 想像下由
丨o＿＿o丨
變左
丨膊＿＿膊丨
結果唔係好大工程咁修整，但我唔係砌過一兩隻HG就會發現到既問題黎，新手想就咁啪起件野應該好痛苦／實會爛件
第三GSC既膠真係好垃圾，得別係黑色果兩版啞色膠好似食玩級數咁，用四百號砂紙一野磨落去D膠碎多到我以為自己用錯左二百號，搞到好多位都要放棄佢唔落手磨，一磨99.99%會冇哂DETAIL。
第四係佢對改色/噴油上色完全唔Friendy，唔太考慮玩家係分色無縫方面既困難。
最後，就係屌你老母用刮貼，仲要唯一要貼既位係胸前既曲位，一貼就炒撚左，手油補色算。
總結黎講HKD 4XX有咁既水準真係好正，果D彈佢既位都係恨鐵不成鋼既感覺。
你問我仲會唔會買佢其他系列，我既答案係：
我仲入左隻藍兵未開盒，睇下有冇改進過定一樣質素先再答你