高流動模型膠水無縫 by 吉爾艾斯
編輯及補充：快樂山埃
前言：
高流動模型膠水無縫既無縫法，
係利用膠水本身既表面張力由幼縫之間流動並維持位置並發生化學作用以作無縫既效果，
由於高流動模型膠水多數同時會有速乾既特點，所以唔可以慢手慢腳咁做，一定要一氣呵成。
此外用高流動模型膠水做無縫必須有幾個條件，
一要原模開模精密，夾口密合度非常之高先可以做到，
二夾口不可以太長，如武器槍枝中間夾口之類的長夾口，很多時膠水會流不到所有地方所以失敗。
1. 兩件件中間條罅有咁窄得咁窄， 好似圖１咁。
下面呢張圖２已經叫闊咗少少，有機會某啲位唔得。
編按：新手可以攝把筆刀／膠紙之類既薄野入去啪埋再抽出黎就會有統一既幼縫。
2. 條罅唔好擺水平上膠水，垂直比較好，
垂直係盡量避免膠水溜咗去其他不必要嘅位置，
就如圖片個大腿，垂直係避免膠水走咗去上面個關節圓位，唔好誤會咗倒轉垂直然後啲膠走哂去ball位。
好似小腿連腳踭呢個位，咁樣垂直落一定出事。
咁就要倒轉落膠水。
3. 落膠水一次，如果見條罅唔覺有膠水，可以再加少少落去，期間保持條罅垂直，膠水唔好落多過兩次。
4. 落完膠水5-10秒左右時間好合埋，大力金剛指夾實15秒左右。
5. 夾實之後, 如果係近關節或者ball 位，郁吓佢，唔郁吓佢以後就唔會識郁，然後gg...
編按:可以睇下左面條片既做法,5:32秒開始~6:00
6. 等乾(等兩、三粒鐘閒閒地，SP可以快啲，安全就一粒鐘)。
呢面正如上面講，最下面有少少唔太溢膠。
編按：然後要進行後處理，
我自己習慣係批到平平地再打直把刀刮幾下再磨 ，
推薦用olfa手術刀或陶瓷刀片去做以免刮花件既表面。
但其實每隻模/每個牌子本身既膠料軟硬唔同，
點處理好視呼溢膠溢左幾多出黎同埋本身既膠料軟硬，
我自己的感覺係有部份膠溢完會變軟身少少，好易一刀就刮走，
有d會硬過你條命刮落去好似格劍咁亨亨聲就要慢慢刮.需要時間自己試下。
衰得多就有經驗，希望幫到你。
