Embedded Files
原post: https://lih.kg/vFKvwtX
by 咁
2022第一隻
簡單講都係聲稱俾日森呃左嘅突擊自由
擺兩個pose之後認真講
今次盡量保留返光武同突自嘅特點
今次用左三盒，光武，HG同SD突自
SD突自係好明顯要頭頂個角
我仲用埋佢個背包所以噴射位會岩比例
主要改造都係用左HG突自嘅套件
背包劏左痴左落SD果個度
所以先用到對翼
手上臂同大脾都移植左HG突自個關節落光武
可動性其實係高過原裝光武
前裙甲係改得最煩
因為要用突自肚支炮同裙甲疊
前甲太多detail所以呢對係後甲再刻線
結果刻太深滲都唔使滲...
光武條喉修改左排氣方向
同時因為銅支打落magic sculpt唔夠力
所以變左可動
好似G高達咁左右開都得
同時原本個方向有多餘位
岩岩好可以好似突自咁掛槍
原本光武嘅散熱口都留返
仲噴返金色扮突自
駕駛倉用返原本大神去改返廿咩囉
不過大神同基拉嘅身型面形同頭髮都好唔同
所以要做大幅度用筆地修改
唯一唔滿意係我係筆塗方面要努力啲
原來基拉著果件扎多服都係高級過阿斯蘭...
駕駛倉本身想畫返扎多嘅gundam system上去
不過原來光武有貼紙
因為懶，所以算
因為大部分突自配件都無改裝
所以槍可以好似原裝設定咁插
而前臂嘅手踭位留返突自個雷射盾
同埋可以用雙邊雷射劍
最後原本光武嘅劍緊係用到
睇左咁耐都仲未講上色
眼利嘅你應該睇得出同大魔隻285係同一隻藍色同白色
金色千祈唔好用GSI 217
垃撚圾，超易甩
今次試下max噴多少少陰影同做左少少舊化
我自己好少機械人噴影
但係都有個原則係
盡量暗嘅地方都係向下
咁樣先會睇得自然
所以如果係噴一個打直嘅正方形
頂果邊一定係填滿噴哂
希望呢隻睇落去嘅燶邊順眼
影到最後發覺覺得佢腰果兩支炮好似立體機動裝置...
最近都開始有工見
所以放縱自己見完工後砌下模型抖下
雖然我已經有下一隻meme模型idea想砌
如果轉到工可以騰少少時間砌
多謝你睇到呢度
我潛返水搵工同讀書先
Page updated
Google Sites
Report abuse