有關肉色同無縫位
以下為肉色無縫素組之道
好處
懶
避免貼眼部水貼失手問題
避免上色引起掉漆可能性
避免ABS 膠因上色爆膠問題
壞處
做唔到膚肌透紅效果
陰影效果無咁明顯
當然如果你打算噴完就固定pose 就無問題，我自己就好鍾意間唔中改下pose 唔係做無縫咁辛苦把鬼
咁唔噴d 膚色有無得執？ 雖然無疊層咁靚，不過用舊化粉都可以突出返個層次感，特別係d 乳溝 股溝個效果就最明顯
買H 同G 兩隻就乜都夠既啦 ，當幫佢化妝咁就ok
對胸d 微微既陰影就係d 粉作怪
咁就會有巴打問唔噴油未做唔到肌膚無縫囉，我可以答你 唔 關 事
就講到最麻煩既上身無縫位，上面張圖就單係做左無縫噴消光
放到咁大都唔覺胳肋底條縫位個瑕疵就係多得佢
GAIA M-07f 膚色 瞬間膠水 / 畢地
新版包裝
咁巴打再會問，上半身前後做左無縫痴死左個膊頭點搞，呢個問題我都試左好幾次，最後上twitter 見到個日本人教呢招
左右直切兩刀，咁就唔會痴死左個膊頭既啦
不過切果陣要小心d，因為有機會搞到個膊頭好鬆，如果不幸鬆既就用畢地加厚返就OK
*此技巧不適用於新版MSG補件，皇巫素戔嗚尊
當然，呢招唔單單只係限於肉色件上面，其他女神裝置一樣可以
如果真係搵唔到GAIA支肉色膠水，又或者囡囡D 肌膚色同肉色膠水唔太夾，你都仲可以參考下面既教學
LINK: 素組無縫
另一個做法就係直接係上半身用鑽/推刀/銼之類將心口開兩個凸字型既窿，放好膊頭就用胸部零件固定就可以。
呢個方法適用所有女神裝置。
頸部無縫做法
其實講唔上咩特別技巧只係單純普通既C字扣無縫，不過建議係紅色位置用膠水加固一下。
因為膠水加固既關系，出黎既效果會比原本既更加緊，非常適合近年頭部裝甲越出越重既系列。
另外C扣有機會入得唔出得，所以都係確保自己真係扣得實先好上膠水做無縫。