1. 當你發現張貼開始可以離紙，你可以拎起佢用隻手指抹走水貼底紙d水，盡量唔好留太多水係張貼到(太多水張貼會好似茶記D杯咁係件上面sir黎sir去)

2. 係零件面上面落set，之後將水貼上左件，如果你見到有多餘既水珠可以用棉花棒吸走左佢先之後先慢慢對位，當開始發現郁唔到就可以點小小水再郁過直至岩位

3. 當你個位對好左，你就可以用棉花棒係其中一邊由水貼外碌入張貼，一到碌就可以壓實張水貼同埋吸水，吸水之餘又可以將d水推去另一邊 (手勢好你會見到d水係另一邊咇出黎) ，碌果陣有機會搞到張水貼移位不過唔緊要，可以點水再定過位。
*不過碌既時候唔好咁大力，一陣張水貼黐左上個棉花棒頭就好麻煩

4. Make sure 岩位，如果無問題壓好左我就會拎風筒遠距離吹一吹佢(唔好太近太大風，一陣吹甩張野你就唔洗搵)

• 壽屋水貼：係d 邊位落軟化劑 (點 / 印落去就可以，千千千千奇唔好抹落去，因為太多會起泡，特別係金屬色水貼) 等一陣你就會見到d透明邊位開始收縮，完事就會靚仔晒。

• 一般水貼：直接係張水貼上軟化劑就可以，之後用棉花棒邊壓邊吸走多餘既軟化劑即可。

5. 壽屋水貼比起其他牌子既水貼薄好多，所以落軟化劑後就千奇唔好再移動張水貼，如果唔係好易斷/爛。

*壽屋官方水貼基本上一定要落set，就算落set都有機會甩...所以要小心小心