X20 爆膠問題

簡單一句總結，原件接觸X20最易出事

X20爆膠既傳聞不斷出現，而家甚至已經進化到用LINE PANEL(滲線液)都可以滲到爆膠，早幾日先有個朋友PM話滲到爆膠我有見及此第一時間叫佢拍條片睇下佢搞過D乜野黎，咁我留意到問題有幾點

1. 田宮LINE PANEL其實都係用X20稀釋琺瑯油比你用，如果用之前無搖均你就會變左用X20直接滲線，就會增加爆件風險。

2. 拎個掃(我都唔知果舊叫乜)出黎滲線最好係樽邊刮走多餘既滲線液，因為佢個掃其實一次真係吸好多上黎，好似RG呢D細件一次用太多就好易爆。

3. 滲線液如果流左入零件內部特別係關節，基本上一受力就爆硬。

4. X20清出界既原理其實唔係擦走D琺瑯油，而係將零件上面既琺瑯油再度稀釋方便你抹走佢，所以少量就可以。

5. 如果真係爆到有陰影，下次滲線前就先噴光油等X20唔會直接接觸到零件啦，包你平安大吉，滲完再消光就當乜事都無發生過。(罐噴都得)