Skala upp næringu

Skala upp næringu (Scaling Up Nutrition, SUN). Áhyggjur af vandamálum tengd vannæringu í heiminum uxu í kjölfari efnahagshrunsinsj árið 2008. Sérstaklega voru áhyggjur af fátækustu löndum heims en rannsóknir studdu það að inngrip í næringu væru hagstæðustu inngripin sem hægt væri að gera til að ýta undir þróun. Margt þyrfti að breytast í þáverandi sundraða og vanhæfa alþjóðlega fyrirkomulagi því persónulegur og efnahagslegur kostnaður af vaxtarskerðingu er mikill. Út frá því kemur hreyfingin SUN sem setur upp forgangsröðun í hjarta alþjóðlegrar aðgerða til að bæta næringu.

Ákveðin lönd eru tekin inn sem SUN lönd (fátækari lönd heims), þjóðarhreyfingar innan þeirra mynda með sér SUN kerfið þar sem þau funda meira og geta svo átt í nánari samstarfi og deilt fræðslu og þekkingu á milli sín. Sérþekking SUN hreyfingarinnar er áhersla hennar á að byggja félagslegt, efnahagslegt og pólitískt umhverfi sem er starfi sínu vaxið til að tryggja að börn ná að uppfylla sína möguleika. Það er gert með fjórum stefnumótandi markmiðum: Stækka og viðhalda pólitísku kerfi sem ýtir undir næringu; forgangsraða og stofnanagera árangursríkar aðgerðir sem styðja við góða næringu; innleiða árangursríkar aðgerðir sem samræmast sameiginlegum niðurstöðuramma; og nýta og auka fjármagn til næringar á árangursríkan hátt.

Ríkisstjórnir SUN landanna leiða veginn í að sameina fólk sem koma frá borgaralegum samfélögum, Sameinuðu þjóðunum, fjárveitendum, fyrirtækjum og rannsóknarstofnunum allt í þeim tilgangi að bæta næringu. Vegvísir hreyfingarinnar hjálpar að upplýsa mikilvægi næringar sem alþjóðlegt mál, mál sem er óaðskiljanlegur hluti þess að ná heimsmarkmiðunum.