Alþjóðaheilbrigðismálastofnunin (World Health Organisation, WHO) gegnir mikilvægu hlutverki í að leiða heiminn í því verkefni að gefa öllum jöfn tækifæri á því að eiga heilbrigt líf. Stofnunin var stofnuð árið 1948 til þess að leiða saman lönd, fólk og samstarfsaðila til þess að stuðla að heilbrigði heimsins og þjónusta þá sem minna mega sín.

Stofnunin veitir löndum tæknilega aðstoð, setur viðmið og safnar saman gögnum um heilsuvandamál í heiminum. Stofnunin sér um að stýra og samræma viðbrögð við heilsufarsástandi eins og COVID-19. Með því að styðja sig við vísindi hefur stofnunin það að markmiði að ýta undir bætta heilsu allt frá óléttu til gamals aldurs.

Stofnunin er virk í öllum heimshornum en hún vinnur með sínum 194 aðildaríkjum til að betrumbæta staðbundin heilbrigðiskerfi og vera til staðar til að samræma viðbrögð við stærri áskorunum. Samvinna er stoð og stytta alls sem WHO vinnur að. Samstarf gerir það mögulegt að hægt sé að koma nauðsynlegum lyfjum og tækjum á rétta staði á réttum tíma. Stofnunin vinnur einnig að því að koma öllum saman, hvort sem það eru leiðtogar ríkja, stofnanir, borgaraleg samfélög eða rannsakendur í það mikilvæga verk að veita öllum heilbrigt og öruggt líf.

Ákvörðunartaka fer fram á árlega Alþjóðaheilbrigðisþinginu sem er æðst ráðandi innan WHO ásamt framkvæmdarstjórninni sem ýtir af stað þeim ákvörðunum sem eru samþykktar, sem og undirbúa málefni fyrir þingið til að fjalla um.