Alþjóðaveðurfræðistofnunin (e. World Meteorological Organization, WMO) er alþjóðastofnun sem sinnir öllu sem tengist veðri og loftslagi, og vatna- og jarðeðlisfræði. Stofnunin styður við og ýtir undir alþjóðlegt samstarf og samhæfingu á málefnum lofthjúps jarðarinnar, hvernig hann verkar á hafið og lönd, hvernig veður og loftslag myndast og afleiðandi dreifingu vatnsauðlinda.

Alþjóðaveðurfræðistofnunin á rætur sínar að rekja til 1873 í fyrri útgáfu af sér (e. International Meteorological Organization) sem var vettvangur til að skiptast á gögnum tengdu veðri en varð síðan ein af stofnunum Sameinuðu þjóðirnar árið 1950 undir núverandi nafni. Aðildarríki stofnunarinnar eru 193 og auðveldar ríkjum að hafa skiptast opið og frjálst á gögnum, þekkingu, rannsóknum og upplýsingum á milli veðurfræðistofnana þeirra, með öryggi og velferð íbúa jarðar að markmiði.

Alþjóðaveðurfræðistofnunin styður við veður- og vatnafræðiþjónustu landa, en þau vinna allan sólarhringinn við að fylgjast með jarðkerfum og veita mikilvægar upplýsingar varðandi veður og loftslag. Slík vinna gerir öðrum kleift að búa sig undir snöggar veðurfarsbreytingar og þar með bjarga lífum, auðlindum og umhverfinu. En það dregur einnig úr hamfaraáhættu og stuðlar að aðlögun loftslagsbreytinga. Stofnunin aðstoðar einnig þróunarlönd við að koma sér upp skilvirkum veðurfræðistofnunum, í gegnum stefnumótun, kennslu og þjálfun, svæðisaðstoð, rannsóknir og þróun á samstarfi.

Alþjóðaveðurfræðistofnunin setur einnig fram staðla til að tryggja að fullnægjandi einsleitni sé á þeim verkferlum sem notaðir eru á heimsvísu og tryggja þannig að öll gögn og tölfræði séu byggð á sama grunni.