Gagnvirkur lestur

Gagnvirkur lestur

Gagnvirkur lestur er lesskilningsaðferð sem hefur verið mikið rannsökuð og eru niðurstöður samhljóma um að aðferðin skilar góðum árangri er kemur að skilningi í öllum greinum. Meginniðurstöður greiningar á 19 rannsóknum sýndu fram á að meðalgóðum og góðum námsmönnum fór fram í lesskilningi eftir að þeir lærðu að nýta sér aðferðir gagnvirks lesturs. Höfundur aðferðarinnar eru Brown og Palincsar (Rósa Eggertsdóttir, 2019).

Gagnvirkur lestur og hlutverkin frá Svíþjóð

Í Svíþjóð hófst þróunarverkefnið En lasenda klass árið 2014 en verkefninu var ætlað að efla lesskilning nemenda. Til að auðvelda nemendum að vinna með gagnvirkan lestur voru búnar til myndir/hlutverk sem voru byggð á hugmyndum um gagnvirkan lestur. MSHA fékk leyfi hjá Svíum að nota þessar myndir hér á landi (Cronqvist, C. 2014. En lasande klass – Stjarnlasaren). Hér fyrir neðan sjáið þið myndirnar eins og Svíar túlkuðu þær.

Það sem einkennir góða lesara

• Þeir beita mismunandi lestrarhegðun​

• hægja á lestrinum eða auka hraðann,​

• endurlesa mikilvæga kafla, ​

• fara fram fyrir í texta til að fá vísbendingar,​

• staldra við og spyrja sig spurninga, t.d. álykta um framhald,​

• túlka og taka saman meginatriði.​

• Samspil /gagnvirkni er á milli lesanda og efnis​

• tengja efni textans við fyrri þekkingu,​

• leita útskýringa þegar merking er óljós.​

• Tækni og skilningur: þeir hafa leikni í umskráningu, góðan leshraði búa yfir góðum orðaforðia og skilning.​

Heimildir

Cronqvist, C. (2014). En lasande klass – Stjarnlasaren.

Rósa Eggertsdóttir. (2019). Hið ljúfa læsi, handbók um læsiskennslu fyrir kennara og kennaranema. Rósa Eggertsdóttir.