Embedded Files
Velkomin á vef Byrjendalæsis
Velkomin á vef Byrjendalæsis
Á vefnum er að finna upplýsingar um Byrjendalæsi, fjölbreytt verkefni, verkfæri og innblástur til að styðja við læsisnám barna á yngsta stigi. Við vonum að efnið nýtist vel og veiti innblástur í starfi. Takk fyrir innlitið!
Hvað er Byrjendalæsi?
Hvað er Byrjendalæsi?
Byrjendalæsi er samvirk nálgun í læsiskennslu barna 1. og 2. bekk. Margir skólar nýta einnig aðferðir Byrjendalæsis í 3. og 4. bekk og vinna með Byrjendalæsi í læsiskennslu á yngsta stigi. Byrjendalæsi sækir innblástur til kenninga um hugsmíðahyggju og nám án aðgreiningar þar sem gert er ráð fyrir að börn læri best í samfélagi jafningja, með samvinnu, stigskiptum stuðningi og hvers konar námsaðlögun sem auðveldar kennurum að koma til móts við ólíkar þarfir þeirra og áhugasvið.
Byrjendalæsi er samvirk nálgun í læsiskennslu barna 1. og 2. bekk. Margir skólar nýta einnig aðferðir Byrjendalæsis í 3. og 4. bekk og vinna með Byrjendalæsi í læsiskennslu á yngsta stigi. Byrjendalæsi sækir innblástur til kenninga um hugsmíðahyggju og nám án aðgreiningar þar sem gert er ráð fyrir að börn læri best í samfélagi jafningja, með samvinnu, stigskiptum stuðningi og hvers konar námsaðlögun sem auðveldar kennurum að koma til móts við ólíkar þarfir þeirra og áhugasvið.
Grunnstoðir Byrjendalæsis byggja m.a. á kenningum Gudschinsky, Frost, Rumelhart, Solity og Leimar. Ennfremur var stuðst við NRP2000 rannsóknina þar sem m.a. kemur fram mikilvægi þess að kennsluaðferðir í læsi feli í sér nálgun sem nái til allra þátta móðurmálsins. Þannig er vinna með tal, hlustun, lestur og ritun felld í eina heild undir hatti læsis. Ennfremur eru sértækir þættir tungumálsins, svo sem hljóðvitund, réttritun, skrift, orðaforði og lesskilningur tengd inn í ferlið.
Miðstöð skólaþróunar við Háskólann á Akureyri hefur staðið að þróun kennsluaðferðarinnar Byrjendalæsi í samvinnu við skóla víðs vegar um land frá árinu 2004. Áhugasamir sem vilja kynna sér aðferðina betur er bent á að setja sig í samband við starfsfólk MSHA.
Þróunarsjóður námsgagna styrkti gerð vefsíðunnar.
Page updated
Google Sites
Report abuse