SANTA SABINA

Su contu de Santa Sabina

20 Luglio 2009

Santa Sabina fuit una signora romana, muzere de su senatore Balentinu. Si fuit fatta cristiana grassias a sa teracca Terapia. Con issa andaiant a s’accua a sas catacumbas a chilcare sos cristianose a pregare cun issos. Ma cando Terapia fuit bistada iscoberta e bocchina a colpos de fuste, Sabina essit a craru e benit martirizzada issa puru. Fuit s’annu 120.

Sas reliquias de sas duas martires si agatant in Roma in sa cresia de Santa Sabina in s’Aventinu, in su cunventu fundadu dae Santu Dominigu.

In iscanu est sa protettora de sa cunfradia de su rosariu. Diffatisi sa santa fuit venerada dae Santu Domnigu. In bidda, a costazos a su campanile de sa cresia manna, esistiat una cresiedda intutulada a issa. A mettade de su 1800, pro illargare sa carrela de cresia, est bistada demulida. Mancu male chi haiant pensadu se salvare s'istatua de sa Santa (de su ‘600, una de sas prus antigas de Iscanu) e oe est arregolta in sa sagristia de su lettoriu de su Rosariu. Sa Santa est venerada umpare cun Nostra Signora de su Rosariu, Santu Dominigu e Santa Cadrina.

Ultimamente est bistada “acconzada” dae preu Tiana.

In Sardigna medas logos tenent su nomen sou.