In-nin sha-gur-ra
1in-nin cag4 gur4-ra erec u3-na giri17-zal da-nun-na-[ke4-ne]
2zag dib kur-kur-ra dumu gal dsuen-na mah [di nun gal-e-ne]
3erec nam-mah me an ki ur4-ur4 an gal-da zag du
4dijir gal-gal-e-ne a2-jal2-bi-im e-ne [gi]-til-le-bi-ne
5inim mah-a-ni-ce3 da-nun-na-ke4-ne kucu ki mu-un-tag-ge-ne
6in-ti-bi an nu-zu-zu a2 aj2-ja2-ni-ce3 nu-la2
7nij2-ak-ak-da-ni ab-ci-kur2-ru jar-bi nij2 nu-zu
8me gal-gal cu du7 sibir ba-e-dab5-be2 saj-kal mah-bi-ne
9dijir kalam-ma-ke4 jic-rab gal-bi cu im-ri-[...]
10ni2 gal-a-ni hur-saj gal dul-lu kaskal mu-un-sig9-sig9-ge
11za-pa-aj2 dugud-da-ni-ce3 dijir kalam-ma-ke4 ni2 am3-ma-ur4-ru-ne
12ur5 ca4-a-ni da-nun-na gi dili-gin7 saj mu-da-ab-sig3-sig3-ge-ne
13dum-dam za-ni-ce3 kilib3-ba-bi a2-ur2 mu-un-dab5-be2-e-ne
14dinana e-ne-da nu-me-a an gal ka-ac nu-um-bar den-lil2 nam nu-un-tar
15in-nin saj il2 kur-ra ab-dirig a-ba saj mu-un-ja2-ja2
16ki ib2-[...]-ni-ce3 iriki dul-dul-da e2 lil2-la2-[ce3] uzug e2-ri-a-ce3 i3-jal2
17murgu2-ni u3-dub2 su tab2-e su-mu-ug-ga-[ni] u18-lu lu2-ra ec2 la2
18suh3 igi suh3-sah4-sah4 mu-un-sar-re uj3 lu2 nu-ce-ga-ni-ir
19jic-jic-la2 sul-sul mar-uru5 hub2 sar-sar-re su-lim huc gu2 ed2
20e-ne di-bi cen-cen me3 hub2 sar ak-de3 nu-kuc2-u3 jiri3-ni kuce-sir2 sig9-ni
21/ud\ huc da-da-ec UR im dalhamunx(AN.NISABA.(inverted)AN.NISABA) tug2 nam-nin i3-dar-dar-/re\
22/nij2?\ tag-ga-ni ga-ba-ra-hum im u18-lu X saj KEC2 NI X sud?-sud
23dinana pirij gi-il-gi-il-la dur2-ru ni2 nu-zu TAR.TAR
24pirij-tur hur-saj-ja2 har-ra-an ku4-ku4 gur5 bur2 a X X X
25in-nin am gal ne3 nir-jal2-ni na-me gaba nu-[X]-/tu\-lu
26[X] saj-kal nun gal-e-ne pu2 nij2-/huc\ nu-ce-ga
27jices2-ad lu2 erim2 jal2 X X lu2 kur2-ra
28ki uc11 cub-ba-ni ud-da-am3 u3 ba?-ra-ah? ki-in-/DU\ bi2-in-UD
29lipic bal-a-ni nij2 LAGAR-e mar-uru5 cu nu-ru-gu2
30cita3-mah nij2 kur2 si lu2 DI [X] lu2 gu2 du3-a gam-gam
31in-nin hu-ri2-inmucen lu2 cu nu-bar-re PA BI kur X-dam
32dinana sur2-du3mucen dijir-re-e-ne tur3 dajal dinana TAR.TAR
33iri dinana saj-ki ba-gid2-i a-cag4-bi /in\-[...]
34a-cag4 in-nin-e X NE [...] ab-sin2-bi u2 [...]
35an e-ne-ra saj mu-un-ja2-[ja2 ...] nij2-na nu-mu-un-[...]
36izi ra an-edin-na in-nin UC X [...]
37dinana X [...]
38in-nin AN [...] X GU? erin2-huc X SUL.SUL cen-cen X X X
39MURUB2-ta [...] X X KA? ra? cir3 mu-un-ja2-ja2
40[cir3-bi] jic-hur jar-bi-a SAL? a bi a NI er2 u2 ga nam-uc2-a
41dinana [IM X] u2 ga nam-uc2-a lu2 gu7-bi nu-til-le
42lu2 nij2 gu7-gu7-da-ni ze2 mu-un-tab2-tab2-be2 in JAR ka-bi-a mu-un-X X X
43cag4 hul2-la-ka-ni cir3 nam-uc2-a edin-na mu-un-ja2-ja2
44cir3 cag4-ga-ni ja2-ja2-da-ni
45jictukul-bi uc2 lugud mu-un-tu5-tu5 cag4 DU? HI? IM? X-ac
46jic-al-lub saj mu-un-da-sig3-ge-/ne\ jiccukur gu7-gu7 jic/tukul\ za-ha-da uc2? im-/me-re-dul9-dul9-lu\
47ka hul-bi NE.NE ur-saj X X [X X] X X X
48nisaj-bi-a uc2 in-ga-an-de2-de2 nam-uc2-a sud-/sud\
49edin dajal sig-ga ud zalag ku10-ku10 an-bar7 mul-sig7-ce3 mu-un-du3-X
50lu2-u3 lu2-ra igi mu-un-SUH-re inbir igi bi2-in-du8-ru
51gu3 ri-a-ta edin-ta lu3-lu3 ca3-tum2 cag4-sig-ga ja2-ja2
52ceg11 gi4-a-ni dickur-gin7 su kur-kur dub2-dub2-bu
53me3 er9 ra-a-ni cu nu-ru-gu2-da a-ba-a mu-na-ab-sig10-ge
54cen-cen er9-a-ni igi nu-bar-re jic-jic-la2 /SUL.SUL\
55a ur4-ra sur2 DU ki-a ur4-ur4 nij2-nam nu-da13-da13
56in-nin9 jictug2-sig18 KI.KAL jal2 da13-da13 bar-re /KA\ X TAR
57lu2 ka tar-ra-bi gu2-bi nu-zi-zi jiri3? X X
58cag4 gur4-ra-ni dim2-dim2-ma-ni ab-ak in-nin ac-a-ni [X] /dim2?\
59mah di unken-/na\ zag gal ba-e-dur2-ru zid-da gab2-bu BAD
60hur-saj gal an-ba-gin7 pe-el-la2 cu X X mu-la2
61bir kur-ra ud ed2-ta ud /cu2\-uc [...] X X tum2-tum2-mu
62dinana bad3 na4gul-/gul\ [...] X u3-ma sa2 di
63na4kalag-ga utul2-gin7 /mu?\ [X] X ra i3 udu-gin7 mu-ni-in-du3-e
64in-nin giri17-zal jiri2 ur3-ra cu jal2-le su-lim kalam-ma dul-lu
65sa la2-a-ni engur-ra ku6 dub-ba KU? BI X X X a-ha-an /nu\-[X]-X
66mucen-du3 kug zu-gin7 igi te-en sa la2-a-ni mucen nu-ed2
67ki ur5-ra-ni sukud nu-X [X] X KA si nu-sa2
68ir IM ri-ri TUG2 jic-hur an-ki
69sig10-ge5 /ak\ inim-ma-ni an nu-mu-na-HAR
70jalga /suh3 pu\-uh3-ru-um dijir gal-gal-e-ne jar-bi nij2 nu-zu
71cu AC zi? an-na /cu\ [...]-a ha-za
72MUC3 AN /AB?\ X nam X CUM2 [X X] X la AN nu-X [X]
73in-nin pirij-tur da-nun-<na>-ke4-ne gaba til nir cum2-ma
74BIL2-tab inbir X-ja2 nu-tuku dinana mu-ja2-ja2 lu2 mu-X
75ki-sikil tur ama5-na ha X [X] X X cu tej3-ja2 cag4 la-la [X X]
76munus zag tag-ga-ni hul-bi bi2-in-/KA?\ [...]
77NIJIN kalam-ma-ka IB2-gal mu-na-RU?-/uc\ [...]
78tilla2-a cu al-dag-dag-ge X [...]
79zi-in-BU e2-a dam dumu-ni igi bi2-in-/du8\
80nir-da gu-la-ni su-ni-ta u3-mu-e-ni-in-jar
81ugu-ba giri17 cu jal2-la mu-ni-in-ak pi-li-pi-li mu-ni-in-sa4
82jiccukur i-ni-kud nitah-gin7 cag4-ga-ni jictukul an-na-ab-cum2-mu
83KAL cul-a-lum u3-mu-ni-in-ak tec2-bi NI TE a me-bi? la-ba-jal2-la
84e2 nam-kug zu jicig-bi TAR mi-ni-in-ak cag4-bi mu-un-zu-zu
85sa la2-ni-ir ni2 nu-zu-ni-ir igi te-en sa la2-a-ni [X X] X-ba nu-ed2
86lu2 mu pad3-da-ni nu-mu-na-kal-la munus-ra u3-mu-na-tej3 jictukul i-ni-in-kud jiccukur an-na-ab-cum2-mu
87lu2 jic-gi-saj-KEC2 ni2-su-ub munus jic-gi cul-a-lum u3-mu-ni-in-ak ce ca4 UD [...]
88lu2 al-ed2-de3 pi-li-pi-li bal kur-jar-ra /saj\-ur-saj-e-ne [...]
89i-lu cir3-ra-am3 RI? a zu? bar NE [...]
90er2 er2-ra bi2-ib2-kuc2-u3-ne a-nir mu-X-[...]
91er2 ud-da cag4-zu nu-X X X X AN-da nu-DI
92muc3-am3 e2? cag4 NE buru2 X /ni2\ dub2-bu nu-zu
93nin ki aj2 an kug-ga HAR-zu igi mu-e-ni-X [(X)] X-za er2-ra X e
94an-na me DI X [...]
95gaba-za ki mu-[...]-za nu-mu-e-da-sa2
96dili-zu-ne mah X mu e-da!-tuku an ki nij2-za nu-sig9-ge
97an-da den-lil2-da mu-e-da!-sa2 zag gal-bi mu-e-dur2-ru-e?
98ki-cu-ki-cu-pec dirig-ga-me-en in-di-za mah-me-/en\
99dacnan AN X barag mah il2 X [...]
100dickur-re lu2 an-ta gu3 X [...]
101dungu sir2-sir2-ra-ni mu-e-/da\-[...]
102ud me gal-gal an ki-bi-da cu mu-/un\-[...]
103dinana u3-ma-zu huc-am3 cag4 X X X [...] X
104da-nun-na giri17-bi gam-e-ec giri17 ba-e-dur2-ru-ne-ec
105ur gal-gal imin-bi ba-e-u5 an-na ba-e-ed2-de3
106an gal-e muc3-za ni2 bi2-tej3 ki-tuc-zu im-mi-hu-luh
107ki-tuc an gal-la-ke4 dur2 ba?-e?-jar su nu-mu-e-da-zi-zi
108jarza2 mah jarza gal-/gal\ cu-zu ga-mu-un-si
109dijir gal-e-ne giri17 ki-a bi2-in-su-ub-bu-uc cu kij2 mu-un-dab5-be2-ec
110kur un3-na kur na4/gug\ na4za-gin3-na giri17 ki-ce3 mu-ra-an-tej3
111ebihki giri17 ki-ce3 nu-mu-ra-an-tej3 cu nu-mu-ra-mu2-mu2
112kurku2-gin7 ib2-ba si-il-la-za ud-gin7 ib2-ra-ra
113nin an den-lil2-da dirig-ga jiri3 X X X i-i
114za-e-da nu-me-a nam-nam-ma nu-un-tar sa2 galam nu-ce
115kac4 kar-re te-en-te-en ni2 dub2-bu-de3 dinana za-a-kam
116[X] X ul4-ul4 zi-zi LAGABxX an-ta sa2-sa2-de3 (1 ms. has, in syllabic spelling: ur-ru-ur ul-lu-ul zi-iz-zi gu-ru-da10 an-ta si-si-te) dinana za-a-kam
117 [har]-/ra\-an he2-en-<du> taka4 jiri3 dib ki silim-ma dili us2 dim3-ma (1 bilingual ms. has, in Akkadian: pe2-te ur-hi-im u3 ¿u2-di-im i-me2-te-qi2-im a-car cu-ul-mi-im ta-pu-ut u2-la-li a-la-kum) dinana za-a-kam
118jiri3 us2 ka jiri3 si sa2-sa2-de3 ki dar ge-en-ge-en dinana za-a kam
119gul-lu dim2-me zi-zi ja2-ja2 dinana za-a-kam
120[nitah] munus-ra munus nitah-ra ku4-ku4-de3 dinana za-kam
121la-la cag4 zig3-ga nij2 cu jal2 e2? nij2 gu2 ja2-ja2 dinana za-a-kam
122dun sa5 bur2 kug bal kug dirig dinana za-a-[kam]
123kug dun kug a2 tuku i-bi2-za kug im-ba dinana za-a-kam
124igi KAR2 (1 ms. has instead: nij2-nam) (1 bilingual ms. has, in Akkadian: ta-ak-li-im-tum) igi KAR2 (1 bilingual ms. has, in Akkadian: ta-ki-ir-tum) igi kar2-kar2 (1 bilingual ms. has, in Akkadian: ta-ce-er-tum) igi zil2-bi (1 ms. has instead: igi bar ZALAG.ZALAG-biza-al-za-le-bi (1 bilingual ms. has, in Akkadian: na-ap-lu-su-um du-um-mu-qu2-um) dinana za-a-kam
125me tec2 dalad dlama ki cu pec11 zu d/inana\ [za-a-kam]
126cu bal ab-ak an-ta X X [...]
127ze2 mu ug X X ba X [...]
128KA X X zag tag-/ga\ [...]
129DI? X [...]
130X [...]
131[... dinana] za-a-[kam]
132[...] X X X cag4 gur cag4 cu ninni2 d[inana] [za-a-kam]
133[...] X GUD-bi nam?-bi GABA X X X [...] dinana za-a-kam
134cag4? X tuk4-e im-ba-X im-ba-sur /im\-ba-X X X dinana za-a-kam
135dam-dam tuku UR-bi LU nij2-dug3 ki aj2-ja2 dug3? dinana za-a-kam
136hi-li-hi-li-a sun7-na DI.DI dinana za-a-kam
137gum2-gum2 jar-jar-jar (1 bilingual ms. has, in Akkadian: te-em-ku-u2 te-ek-nu-u2) il2 gu2 zig3 gam-gam dinana za-a-kam
138e2 du3-a ama5 dim2-me nij2-gu2-na tuku-tuku nundun dim3 sag9 (1 bilingual ms. has, in Akkadian: na-ca-qum) dinana za-kam
139dug3 bad dug3 kac4 [X] /ni2\ sig10-sig10-ge sa2 did-de3 dinana za-kam
140hu-ru kalag-ga lu2-gam-ma lu2-sig-ga car2-car2 dinana za-kam
141il2-la2 du5-la2 saj il2-la2 ib2-ba-la2 car2-car2 dinana za-kam
142aga jicgu-za jicjidru nam-lugal cum2-mu dinana za-kam
12 lines missing
155tur mah sig dajal gu2 cu dajal tag-ga dinana za-a-kam
156jarza!(PA.<AN>) jarza2 cum2-mu a2-bi aj2-ja2 tum2-tum2-mu
157eme sig inim a-ca-an-ga-ra KA e2-gal kur2 dug4-ga tah dug4-dug4 dinana za-a-kam
158ba-an-gi4 lul zid bi-ri-ig nij2-a2-zig3 dug4-dug4
159a-tar la2-la2 nij2-kur2 dug4-dug4 zu2 li2 pe-el dugud
160kana6 nij2-gig-ga cag4 hul gig hul (1 bilingual ms. has, in Akkadian: hu-du-um) zalag-ga ku10-ku10
161ni2-am3 ur4-re ni2-/ul4\ ni2-/ri\-til3-la ni2 gal me-lem4-ma
162u3-ma nij2-X X (1 bilingual ms. has, in Akkadian: re-du-um) im-ba-sur igi lib u3 nu-ku
163gu2 jar saj jar NIJ2 bir da? NI IM? JIR2 KA til4-a
164du14 igi suh3-[sah4] /gaba?\-ri erim-huc jic-jic-la2 SUL.SUL
165NI KAB naj X X X X nij2-nam-ma zu-zu
166gud3 X RI us2-sa X ul-li2-a-ac gen6-ne2
167a-ri-a X cag4-tur3-gin7 X ni2 ri-a-X /gu2\ bar /gu2\ ja2-ja2
168DI X X [X] hul gig X X X X-am3? KEC2 X X X (X) [d]inana za-a-kam
169jiccub X X X X [X X] X ub? [X] X
170uj3 [sag2 dug4-ga] gu2 jar-jar ki-bi-ce3 gi4-gi4
171[...] X cu tij4-ja2 X X NE X
172[...]-du8-u3 dinana za-a-[kam]
173[...] X X AN [...]
174X X [...] lu2-kac4-e-ne
175ka ba-zu cu X X [X]-ra ba-an-kur9
176igi bar-ra-zu jectug2 la2 jic tuku-uc nu-ci-bad-ba9-re6
177igi suh-a-zu dadag-ga ku10-ku10 an-bar7 mul-sig7-ce3 mu-un-ja2-ja2
178ki cag4-zu ud mi-[ni]-ib-dug4-ga-ac mu-un-gul ki mu-/un\-dub2-bu nij2-zu nij2 nu-sig11
179nij2 gal-gal-zu a-ba saj mu-un-ja2-ja2 za-e nin an ki-me-en
180dinana e2-gal kadra nu-di-kud uj3 car2-ra ka ec-bar X X X
181mu pad3-da-zu kur-ra ab-dirig an X-za nu-mu-un-da-sa2
182jectug2-ga ri-a-zu nijin dijir-re-e-ne igi cub-ba MI X dili-zu-u3-de3 mah-me-en
183dijir an ki-a a-na me-a-bi cilam gal-bi-me-en
184igi il2-la-zu lib-bar mu-un-ak-e-ne inim-zu-ce3 i3-dur2-ru-ne-ec
185ki za til3-la-za da-nun-na al-sug2-ge-ec inim mu-un-da-sag9-sag9-ge-ne
186ni2 gal KA ka-tar X X X X-ce3 TUG2 gaba-nir mu-un-til3-le-ne
187ka-tar si-il-la-zu ba-ra-mu-un-til-le me-a mu-zu X mah-nu
9 lines missing
197en3-du-zu zarah a-nir X X-da cag4 X X IGI X [...]
198DI.DI-zu cu bal-a nu-ub-zu ib2-ba-zu zukum-ma
199cu dug4-ga-zu nij2 cu nu-HE2-X a2 aj2-ja2 du3-du3-a-zu an nu-mu-un-na-an-la2
200an-da den-lil2-da lu2-zu-a unken-na gal-gal X munus saj-e-ec mu-e-rig7
201ka-tec2 an den-lil2 mu-e-X X gi kalam cu-zu-uc dab5 X
202inim bi2-in-dug4-ga-zu an nu-mu-un-na-an-gi4
203he2-am3 dug4-ga-zu an gal nu-[mu]-/un\-na-an-bur2
204he2-am3-zu he2-am3 gul-lu [X (X X)] gul-lu
205gi4 unken-na bi2-in-dug4-ga-/zu\ an den-lil2 nu-sag2
206ec-bar ab-bi bi2-in-dug4-ga-/zu\ an ki-ta nu-kur2-ru
207ki he2-am3 bi2-in-dug4 gul-lu nu-DI
208ki gul-la bi2-in-dug4 he2-am3 nu-DI
209nam-dijir-zu dnanna dutu-gin7 an kug-ge dalla ed2
210igi-jar-zu ub an-na zalag-ge ku10-ku10 zalag-ge-ec2 jar
211UC SAL-bi gu AC gu2-ri ed2 /AK?\ nij2 ud-da-ka-ni X-zu-ce3 izi ib2-ta-la2
212[X] car2-ra-zu kur7 ak-da-bi dutu-gin7 igi-zu-ce3 i3-dib-be2
213me kal-kal-la-za cu nu-TU.TU me kilib3 X X-ce3 i3-dib-be2
214an ki til-bi-ce3 nam-nin-bi mu-e-ak nij2-nam cu mu-e-du8
215in-nin za-e mah-me-en igi-zu-ce3 na-me nu-dib-be2
216an gal-da [ki]-nu2 kug-ga mu-e-til
217dijir a-ba za-gin7 ur4 an ki ur4-ur4
218za-e mah-me-en mu-zu ar2-re-ec e dili-zu-ne mah-me-en
219en-he2-du7-an-na-me-<en> zirru
220DIC X [...] X dnanna-me-en
221X X [...]
20 lines missing
242X [...]
243jalga [...]
244cag4 hul gig nij2-gig-ga X [...] muc3-am3 mu-[...]
245nin-ju10 ud en-nam arhuc ja2 [...] cag4-ne-ca4 X X X X
246je26-e za-kam ne-e a-na-am3 i3-til-le cag4-zu ha-ma-sed-de3
247jectug2-ga ri-a-zu cag4-ne-ca4 mu-[...]
248igi-zu-ce3 he2-bi2-ib-X X igi KAR2.KAR2-ju10 he2-jal2
249nam-dijir-zu kalam-e pa bi2-a-ed2
250nir-da gu-la-zu su-ju10 ba-e-zu-zu
251a-nir nij2-gig-ga igi MA-lib la-ra-ah si-il A AN ta
252arhuc cag4-ne-ca4 igi bar-bar cag4-gur-ru giri17 cu jal2 za-a-kam
253ud a ra-ah KI.KAL jal2 da13-da13 ku10-ku19 zalag-ge-ec jar
254nin-ju10 nam-mah-zu kur-kur-ra ka-tar-zu ga-si-il
255a-ra2 nam-gur4-ra-zu me-tec2 hu-mu-i-i
256za-e nam-dijir-zu a-ba e-da-sa2
257jarza-zu-ce3 a-ba-a mu-un-na-sig10-ge
258an gal ki-aj2-zu muc3-am3-zu he2-eb-be2
259dijir gal-gal-e-ne ur5-zu he2-bi2-ib2-huj-[je26-ne]
260barag za-gin3 nam-nin-a tum2-ma tu-tu-zu X he2-X X X X
261ki-tuc nam-mah-zu tuc-a hu-mu-ra-ab-be2
262ki-nu2 kug-ga-zu ni2 /dub2-bu\ hu-mu-ra-ab-be2
263nam-X-zu ki dutu ed2-a UN? cag4? [X] X si-il-[i]
264nam-mah-zu ci-im-pad3-pad3-de3-ne za-e nin-ab-bi-me-en
265an den-lil2 an kilib3-ba-bi nam gal mu-ri-in-tar-re-ec
266nam-nin gu2-en-na ma-ra-an-cum2-mu-uc
267nin9 nin-e-ne nam nam-ma-tar-re nam-nin-a tum2-ma
268in-nin za-e mah-me-en za-e gur4-ra-me-en
269dinana za-e mah-me-en za-e gur4-ra-me-en
270nin-ju10 nam-mah-zu pa bi2-a-ed2
271cag4-zu ki-bi ha-ma-gi4-gi4
272nij2 gal-gal-zu nij2 zag nu-sa2
273nam-mah-zu me-tec2 hu-mu-i-i
274ki-sikil dinana za3-mi2-zu dug3-ga-am3
על פי:
http://etcsl.orinst.ox.ac.uk/index1.htm
http://etcsl.orinst.ox.ac.uk/section4/tr4073.htm
התרגומים לאנגלית
התרגום של Ake Sjoberg (משנת 1976 לספירה המקובלת)
ר' גם
http://www.zyworld.com/DrBernardSButler/In-nin-shagurra.htm
http://www.sibyllineorder.org/sacred_texts/sw_enheduanna.htm
על השיר:
http://www.zyworld.com/DrBernardSButler/Enheduanna.htm