Izaki bizidun guztiak zelulaz osatuta gaude. Zelula horiek elkartu egiten dira eta egitura konplexuak eratzen dituzte: ehunak, organoak, eta abar. Gizakia izaki bizidun zelulaniztuna da, animalien erreinukoa. Gainerako izaki bizidunen antzera, zenbait antolaketa mailatan egituraturik dago. 

Materia biziaren antolaketa mailak: 

1.1.1. Maila abiotikoak (bizigabeak): 

• Maila azpiatomikoa: Atomoek osatzen dituzten partikulak dira: protoiek, neutroiek eta elektroiek osatzen dute. 

• Maila atomikoa: Atomoek osatzen dute: karbonoa, oxigenoa, fosforoa, nitrogenoa. 

• Maila molekularra: Materia bizia eratzen duten molekulek osatzen dute: biomolekulek. 

  • Ez organikoak: ura eta gatz mineralak. 

  • Organikoak: gluzidoak, lipidoak, aminoazidoak, azido nukleikoak.

• Maila makromolekularra: Molekulak elkartzen direnean. Proteinak adibidez.

• Organulu maila: Organulu zelularrek osatzen dute maila hori.  Mitokondrioa, erribosomak adibidez. 

 1.1.2. Maila biotikoak (bizia dute): 

• Maila zelularra: Zelulez osaturik dago. Prokariotoak, eukariotoak. Bakterioak, protozooak, alga eta onddo zelulabakarrak. 

• Ehun-maila: Antzeko zelulez osaturik dago. Adibidez: gihar ehuna, odola. 

• Organo-maila: Ehun mota ugari elkartuta eratzen da. Adibidez: bihotza, urdaila. 

• Sistema-maila: Antzeko organok osatzen dute. Adibidez: gihar-sistema, eskeleto-sistema.

• Aparatu-maila: Organo desberdinak osatzen dute. Adibidez: digestio-aparatua, lokomozio-aparatua. 

• Organismo-maila: Izaki bizidunaren osotasunari dagokio. Maila honetakoak dira, besteak beste, alga eta onddo zelulaniztunak, landareak eta animaliak. 

• Populazio-maila: espezie bereko banakoen multzoa. Adibidez: ariztia, artaldea. 

• Komunitate-maila: Leku berean dauden populazioen multzoa. Adibidez: Aritzak, basurdeak, untxiak. 

• Ekosistema-maila: Komunitate multzoa (ingurunea eta haien arteko harremanak). Adibidez: Baso mediterraneoa, …

• Ekosfera: Lurra osaten duen ekosistema multzoa.