November

Es Grous is ganz braun vam rougfollna Laab.

Vam Nachber sein Laubsauger wärst da ball daab.

Von die Baamä dou dropfts, Sunn noch ned dou.

Van dä kahln Buchn schraid a Gragg zu mä rou.

Im Tal is noch nablich, ruich is im Gund.

Ächentlich schö, war `s Ruh zu dar Stund.

A Echhörnla flitzt in der Housl zum Wipfl.

Öbs dou uäm noch wos find, in dan kahln Gipfl?

Dä Naabl wärd lichter, Asternblütla schpitzn raus,

s`is trotzdem noch klamm, mä mouch ned garn naus.

A Vuächl, a Buntspecht, hackt an am Weidnasta,

findt wol a Wörmla un frisst `s in sain Nastla.

Die Biätla im Gartn sen ball laar, noch a weng Gemüß.

Mä mouch ned garn naus, gricht bluäs kalda Füß.

Der Naabl schtaicht auf, die Sunn hodds jetz gschafft,

hodd durch kahla Gipfl schöne Schträfn gemacht.

Van uäm kumma sa, blitzblank wie aus Medall

Un der trüb November, wärd auf eemoll ganz hall.

Dan Nachber sai Laubsauger hod aufghört. Es is widder Ruh.

Des is dach schö!

Brauchst sa ned aa du?