EMILIA PARDO BAZÁN

Emilia Pardo Bazán foi escritora , intelectual, xornalista e crítica literaria triunfando na literatura española como escritora e como figura pública. Moi influída polo naturalismo, movemento literario que introduciría en España, escribiu máis de 500 obras en forma de novelas, contos, artigos e folletos.

Destaca tamén o seu labor como impulsora da creación, xunto con outros destacados intelectuais galegos, da Real Academia Galega^.

En recoñecemento polos seus méritos artísticos, o rei Afonso XIII concederíalle en 1908 o título de condesa de Pardo Bazán.

Ao igual ca outras contemporáneas está considerada como unha das precursoras do movemento feminista en España.

Ao longo da súa obra criticou a degradación e marxinalidade da muller e expresou o seu desexo de crear para as mulleres unha educación e unha formación intelectual igual cá dos homes.