ANA PELETEIRO
Nicole pimentel Veras
ANA PELETEIRO
(Ribeira, A Coruña, 2 de dEcembro de 1995)
ATLETA
Ana Peleteiro é unha atleta española, plusmarquista nacional na modalidade de triplo. É a actual campioa de Europa en pista cuberta da súa especialidade.
Foi elixida mellor atleta española júnior dos anos 2011, 2012 e 2013 pola Real Federación Española de Atletismo, foi Premio Princesa de Asturias do ano 2013, e obtivo a Medalla Castelao en 2020.
Formouse na súa localidade natal, competindo ata os 17 anos pola Asociación de Atletismo e Deportes do Barbanza. En xuño de 2019 trasládase a Madrid, para continuar a súa progresión no Centro de Alto Rendemento para deportistas da capital.
O 12 de xullo de 2012, con 16 anos de idade, proclamouse campioa mundial júnior da especialidade, cun salto de 14,17 m. co que tamén bateu a mellor marca europea de todos os tempos da categoría xuvenil.
Actualmente, estuda Ciencias da Actividade Física e Deporte no INEF.
En 2018 obtén os seus primeiros éxitos internacionais en categoría absoluta. O 3 de marzo consegue a medalla de bronce nos mundiais de pista cuberta de Birmingham, tras realizar nun salto a súa mellor marca persoal con 14,40 m. e o 10 de agosto tamén alcanzou o bronce no europeo ao aire libre, celebrado en Berlín.
En 2019 conseguiu a medalla de ouro no Campionato Europeo en pista cuberta cun mellor salto de 14,73 m, novo récord de España absoluto. Por este éxito a RFEA elixiuna como mellor atleta española do ano.