(...) itbiema Giš šúnatam ipaáššar izzakàram ana ummišú ummi ina šáat mušitiia šáamḫakuma attanaallaak ina biriit itlutim ibbašúnimma kakabu šámai [ki]iṣrù šá Anim imḳuut ana ṣiriia áššišúma iktabiit eliia úniiššúma nuuššášú úul ilti’i Urukki matum paḫiir elišú itlutum únašáku šipišú úummiidma puti imidu iati áššiašúma abbalaáššú ana ṣiriki ummi Giš mudiaat kalama izzakàram ana Giš miindi Giš šá kima kati ina ṣiri iwaliidma úraabbišú šáduú tamaršúma [kima Sal] taḫadu atta itlutum únašáku šipišú tíiṭṭiraáš[šú tuut]tuúma tatarra[assu] ana ṣi[ri]ia [uš]tinimma itamar šánitam [šúna]ta itawaaam ana ummišú [ummi] atamar šánitam [šúnatu ata]mar emia ina suḳiim [šá Uruk]ki ribitim ḫaaṣṣinu nadiima elišú paaḫru ḫaaṣṣinuumma šáni bunušú amuršúma aḫtadu anaku araamšúma kima áššátim aḫaabbuub elšú elkišúma áštakaanšú ana aḫiia ummi Giš mudaat [ka]lama [izzakàram ana Giš] [Giš šá tamuru amêlu] [taḫaabbuub kima áššátim elšú] áššum uš[ta]maḫaru ittika Giš šúnatam ipašar Enki[dũ wa]šiib maḫar ḫariimtim ur[šá ir]ḫamu didašá iptí[e] [Enki]dũ imtaši ašar iwaaldu ûm, 6 ù 7 mušiatim En[kidũ] tibiima šá[amkata] irḫi ḫa[riimtum paa]šá ipušáamma izza[kàram] ana Enkidũ anatalka Enkidũ kima ili tabaášši amminim itti namaáštee taatta[naal]ak ṣiraam alkam luúrdika ana libbi [Urukki] ribitim ana bît [el]lim mušábi šá Anim Enkidũ tibi luruka ana Ê[an]na mušábi šá Anim ašar [Giš gi]itma[lu] nepišitim ù at[ta] ki[ma Sal taḫa]bu[ub]šú ta[raamšú kima] ramaanka alka tiba i[na] gaaggari maaagriiim išme awaassa imtaḫar gabašá miil[kum] šá aššatim imtaḳuut ana libbišú išḫuut liibšáam ištinam úlaabbiišsú liib[šáam] šániaam šii ittaalbaáš ṣaabtat gaassu kima [ili] iriiddišú ana guupri šáriiim ašar tarbaṣiim ina [áš]rišú [im]ḫururiiaú [ù šúu Enkidũ ilittašú šáduumma] [itti ṣabâtima ikkala šamma] [itti bulim mašḳaa išatti] [itti namaáštee mê iṭab libbašú] šiizba šá namaáštee iteenniik akalam iškunu maḫaršú ibtíikma inaattal ù ippaallaas úul idi Enkidũ aklam ana akalim šikaram ana šáteeim laa lummuud ḫariimtum pišá ipušáamma izzakàram ana Enkidũ akuul aklam Enkidũ zimaat balaṭiim šikaram šiti šiimti mati ikuul aaklam Enkidũ adi šibiešú šikaram ištiaam 7 aṣṣaammiim ittapšar kabtatum inaangu iliiṣ libbašúma panušú [it]tamru ultappiit [lùŠÚ]I šúḫuraam pagaaršú šáamnam iptašáášma aweliiš iwe ilbaáš liibšáam kima muti ibaášši ilki kaakkašú labi úgiirri ušsaakpu re’ûti mušiatim uttappiiš šibbari labi uktašiid itti[lu] naki[die] rabutum Enkidũ maaṣṣaaršúnu awelum gišruum išteen itlum ana [nakidie i]zaakkiir iippuuš ulṣaam iššima iniišú itamar awelam izzakàram ana ḫarimtim šáamkaat ukkiši awelam ana minim illikam zikiiršú luuššú ḫariimtum ištasi awelam ibaušsuumma itamaršú ediil eeš taḫi[illa]am limnu alaku manaaḫ[ti]ka epišú ipušáamma izzakàram ana En[kidũ] bitiiš emutim ik šimaaat nišiima tuaar elutim ana âli dupšakkii eṣien uklaat âli emisa aaḫatim ana šarri šá Urukki ribitim piti puuk epiši(ši) ana ḫaaari ana Giš šarri šá Urukki ribitim piti puuk epiši(ši) ana ḫaaari áššaat šimatim iraaḫḫi šúú pananuumma muuk waarkanu ina miilki šá ili gabima ina bitiiḳ abuunnatišú šimaassu ana ziikri itliim iriku panušú (...)
Trabalhos da autora na estratégias criativas
12 Blocos A6 com argolas no topo e 50 folhas lisas. Capa dura com imagem de cada um dos signos do Zodíaco.
Desenhos personalizados para cada um dos signos aliando a ilustração ao humor.
