Defnyddiwch sebon plaen a dibersawr i olchi o gwmpas y fagina. I gael rhagor o wybodaeth am sut i gadw eich fagina yn iach a glân, dilynwch y ddolen hon.

Mae bob amser yn ddefnyddiol cadw dillad isaf sbâr yn eich bag, yn enwedig os oes gennych staen neu os ydych wedi gollwng ychydig. Gall pâr glân eich helpu i deimlo'n sych a ffres am weddill y dydd. Mae detholiad bychan o ddillad isaf ar gael yn y Gwasanaethau i Ddysgwyr.

Gall golchi eich dwylo cyn ac ar ôl newid eich pad, tampon neu gwpan sicrhau'r glendid mwyaf posib - yn enwedig gan fod eich dwylo yn dod i gyswllt gyda phob math o bethau yn ystod y dydd.

Os oes gennych ddiwrnod hir o'ch blaen yn y gwaith neu'r coleg, efallai y byddwch yn penderfynu 'dyblu' drwy ddefnyddio tampon a phad, rhag ofn i'r tampon ddechrau gollwng. Nid ydym yn eich cynghori i wneud hyn oherwydd fe all olygu nad ydych yn newid eich cynnyrch yn ddigon aml. Yn hytrach, gwnewch yn siŵr bod gennych ddigon o amser i newid eich cynnyrch .

Mae'n bwysig eich bod yn cadw eich cwpan mislif yn lân. Dilynwch y canllawiau ynghylch defnyddio'r cynnyrch. Fel arfer, gallwch olchi'r cwpan gyda dŵr cynnes a sebon ysgafn rhwng y troeon y byddwch yn ei wisgo.

Ar ôl eu defnyddio, mae'n bwysig eich bod yn taflu eich padiau neu'ch tamponau yn y ffordd gywir. Mae eu lapio'n dda cyn eu taflu'n sicrhau nad yw arogleuon a heintiau'n ymledu. Gwell peidio rhoi padiau neu damponau i lawr y toiled oherwydd fe allant flocio'r bibell. Mae yna finiau hylendid i chi gael gwared ar eitemau mislif ar y campws.