Os hoffech gael gwybodaeth, cyngor neu arweiniad ynghylch unrhyw un o wasanaethau'r coleg, yn cynnwys trafod unrhyw gymorth ariannol a allai fod ar gael, cysylltwch gydag un ai eich Tiwtor Personol, eich Aseswr neu'r adran Gwasanaethau i Ddysgwyr. 

Cam 1 - Dewis lle i lunio eich cyllideb   

• Ysgrifennwch eich cyllideb ar ddarn o bapur neu mewn llyfr

•  Defnyddiwch raglen fel Microsoft Excel fel eich bod yn medru diweddaru eich cyllideb a chael y meddalwedd i gyfrifo ar eich rhan. 

• Defnyddiwch becyn rhyngweithiol ar-lein fel cynlluniwr cyllideb Money Advice Service.

Cam 2 - Rhestrwch eich incwm

Nodwch yr arian rydych chi'n ei dderbyn bob mis. Gallai hyn gynnwys:

• Cyllid Myfyrwyr  

• Cyflog gan eich cyflogwr

• Budd-daliadau lles  

• Cyfraniadau gan eich rhieni 

Cam 3 - Tracio eich gwario

Os nad ydych chi'n siŵr faint rydych chi'n ei wario, edrychwch ar eich datganiadau banc neu eich derbynebau yn ogystal ag unrhyw apiau bancio rydych chi'n eu defnyddio, neu defnyddiwch y rhestr hon o wariant myfyrwyr i'ch helpu.

Cam 4 - Gwnewch i'ch cyllideb weithio 

Y syniad y tu ôl i lunio cyllideb yw sicrhau eich bod yn gwario llai na'ch incwm bob mis. ⁠ 

Os oes gennych chi arian dros ben, gallai fod yn fuddiol ystyried rhoi'r swm yma mewn cyfrif cynilo bob mis i greu cronfa wrth gefn. 

Os ydych chi'n ei chael yn anodd, peidiwch â phoeni, mae adnoddau ar gael i'ch helpu chi.  

Daliwch ati

Does dim rhaid i'ch cyllideb fod yn berffaith ar yr ymgais gyntaf. Fel unrhyw beth arall, mae'r broses yn dod yn haws wrth ymarfer.

Unwaith y dewch i arfer, dylech bennu targed ariannol i chi eich hun. Gallai hyn ymwneud â chryfhau eich sefyllfa ariannol neu weithio tuag at gyllideb gytbwys erbyn diwedd bob mis. Os oes gennych chi ddigon o incwm efallai y byddwch yn dymuno dewis rhywbeth i gynilo ar ei gyfer. Gallai fod yn gronfa argyfwng neu rywbeth i'ch gwobrwyo am eich gwaith caled.

Penderfynwch faint i'w roi o'r neilltu bob mis. Neu heriwch eich hun i leihau unrhyw wario diangen, a rhoi'r arbedion tuag at eich targed.

Mae targedau ariannol yn rhoi ymdeimlad o gyfeiriad i chi, ac yn eich annog i ddal ati, ac yn y bôn, dyna holl bwrpas cyllidebau.