Nork Zer Egiten Du...
Martxoaren 8a hurbilean genuela ikusirik, etxerako lanen banaketaren inguruan ikasleek ikerketa lan bat egin zuten. Horretarako, galdetegiak prestatu eta ikasleei azaldu ondoren betetzeko eskatu zieten, gero ondorioak ateratzeko.
Etxeko lanen banaketan, zein da zure esperientzia? / En el reparto de las tareas del hogar, ¿Cuál es tu experiencia?
Zure familian banatzen al dira etxeko lanak? Zein da ba zure etxeko egoera? / ¿En tu familia se distribuyen las tareas del hogar? ¿Cuál es la situación de tu hogar?
GALDETEGIAK:
GALDETEGIEN ERANTZUNAK AZTERTU ONDOREN HEMEN DITUZUE ATERATAKO ONDORIOAK:
1.DBH: Erantzunak begiratuz gero, argi ikusten da etxe barruko lanetan Amak lan gehiago egiten duela, batez ere arropa, etxeko garbiketa, otorduetako lanetan eta zainketa arlotan. Bestetik, Aitak bestelako lanak egiten ditu, hala nola, egurrarekin zerikusitako lanak egitea, konponketak egitea, belarra mozteaz, kotxea tailerrera eramatea eta baratzea zaintzeaz arduratzen da.
Eskerrikasko DBH-1eko ikasleei, ia guztiek galdetegia betetzeagatik!!
2.DBH: Azterketa honen ondorioz ikusi dugu ezberdintasun argia dagoela lanak egiten duten artean, eta aspalditik genero bakoitzari jarri zaizkion lanak berdin jarraitzen dutela. Garbiketa, arropa eta janariarekin zerikusia daukaten lanak emakumeengatik, kasu honetan amak, eginak daude, eta betitik gizonen lanak izan direnak ere bai gaur egun horrela jarraitzen dutela. Etxean konpoketak egitean, sua eta egurrekin zerikusia daukaten lanak eta autoaz arduratzea gaur egun ere bai aitek egiten dituzte. Honekin argi geratzen da genero bakoitzak lan batzuk propioak bezala dituela eta orain dela 50 urteko esteriotipoak zutik daudela.
Ere bai gure hasierako hipotesia bete egin da, pentsatzen genuelakoz ikasleek lan gutxi eginen zituztela “. DBH-n daudelakoz, eta horregatik, adibidez 1. Batxillergoan dagoen ikasle batek baino lan gutxiago egitea normala da. Horregatik galdeketa honetan aterako ziren emaitzak aurrekusi genituen, uste genuelakoz gurasoek lanen zati handiena eginen zutelakoz .
Eskerrak eman nahi diegu 2DBH-ko ikasleei haien laguntza gabe ez genukelako txosten ikaragarri hau eginen.
3.DBH // 3.ESO. Honako ondorio hauetara iritsi gara: denbora pasa den arren eta berdintasunaren alde borrokan egon garen arren, oraindik etxeko lan gehienak emakumeek egiten dituztela. Garbiketa lan gehienak emakumeek egiten dituztela konturatu gara eta konponketak edo lan fisikoagoak direnak, tailerra edo “erreformak” besteak beste, gizonen gauza izaten dira. Lanak, argi geratzen denez, ez dira orekatuak, beraz, berdintasuna lortzeko, ondorengoa pentsatu dugu:
Familia guztiei balioko dien plangintza bat sortzea ezinezkoa denez (familiak oso anitzak direlako eta etxe bakoitzeko egoera berdina ez delako), honako gomendio hauek ematen dizkizuegu:
Hartu egutegi bat eta antolatu etxeko lan bakoitza nork eta noiz egingo duen (aitak platerak garbituko ditu martxoaren 15eko goizean, semeak mahaia jarriko du martxoaren 12ko eguerdian, alabak afaria prestatuko du martxoaren 18ko arratsean…)
Seme-alaben adina kontuan hartu lana banatzeko, eta egin ezin dituzten gauzen ordez (plantxatu adibidez), egin ditzaketen lanak gehiagotan egin (astean 5 aldiz mahaia jarri adibidez)
Banaketa proportzionala izateko, hilabeteko egunak, etxean dauden pertsona kopuruarekin zatitu ( 30 egun bost kideko familia batean = bakoitzak 6 aldiz egingo du afaria, 6 aldiz erratza pasatu,...)
Gauzak errazteko, bi aplikazio gomendatzen dizkizuegu:
Nipto: txapelketa moduko bat, etxeko lanak egiteagatik puntuak irabazteko aukera ematen duena
Family Wall: familiako egutegia antolatzeko aukera ematen duena
Eta garrantzitsuena: kontzientzia hartzea
Guk ere gure etxeko egoeraren inguruan hausnartu dugu eta konpromesua hartzen dugu hemendik aurrera gure etxeko lanetan parte gehiago hartuko dugula. Gainera, bakoitzak bere etxean, lanak txandaka egiteko plangintza bat antolatuko du. Lan honek begiak ireki dizkigu eta aldaketa lehen baino lehen egin behar dela ohartu gara; beraz, gure hitza ematen dugu, hemendik aurrera, askoz gehiago parte hartuko dugula gure etxeetan.
Bukatzeko, eskerrak eman nahi dizkiegu 3.DBHko ikasleei gure proiektuan laguntza eman izanagatik, haien denboraren zati bat gure inkesta betetzeko erabili izanagatik eta ikerketa hau aurrera eramatea posible egin izanagatik.
4.DBH / 4.ESO: Argi ikusi da ia etxe guztietan, gauza gehienak egiten dituen pertsona ama dela, bai sukaldatzeko, bai arropa garbitzeko eta hedatzeko.... Baina hala ere, ikusten da etxeko lana hauek gero eta gehiago banatzen ari direla gurasoen eta seme-alaben artean. Baina kanpoko gauzei dagokionez, hala nola egurra moztu… gehien egiten duen pertsona aita da.
Berriro egingo bagenu, berriro prozedura berdinarekin egingo genuke, 4.DBH-ko ikasleei argi geratu zitzaielako nola egin, eta gainera, emaitzak azkar jaso genituen.
Google iruzkina bete duzuenei Eskermile!
1.BATXILERGOA: Oraindik ere emakumezkoak edo etxeetako amak dira etxeko txukunketa, garbiketa eta familia zein etxeko zainketaz arduratzen direnak. XXI. mendean gaude eta orain arte aldaketa anitz eman badira ere, milaka dira aldatu beharko lirateken ohiturak. Etxe barrutik hasi eta herriko plazaraino. Gizonezkoek etxeko ateetatik kanporako lanetan zentratzen dira batez ere, hortaz emakumeek familiakideen beharrak asetzeko obligazioa ikusten dute. Lan banaketari begira denbora kudeaketa ona ez dela begi hutsez ikusi daiteke. Horretarako, etxeko kideen parte hartzea ezin bestekoa da eta hauek etxean laguntzeko helburua izatea. Berdintasunerako bidean, aukera bakarra dago, emakumeek egiten duten lana behar bezala baloratu eta hauen papera hartuz merezi duten aintzatespena egitea eta esker onekoak izatea.
Eskerrak eman nahi genizkieke inprimakia betetzeko denbora hartu duten ikasle guztiei eta honekin batera, inprimakia betetzeko pausuak azaltzeko beraien klasea geldiarazi zuten irakasleei. Guk anitz ikasi dugu lan honekin, eta espero dugu galdeketa bete duten ikasleek ere etxeko lanak nork egiten dituen kontutan hartu eta denbora banaketa egoki bat egiteko aurrera pausu bat ematea.
2.BATXILERGOA: Emaitzetan aztertu daiteken modura, gaur egun arte emakume eta gizonei esleitu zaizkien lanen banaketa antzematen da oraidik etxe batzuetan. Emakumeak (amak, amonak...) arropa garbitzeaz, etxea txukuntzeaz… arduratzen dira batez ere. Gizonak berriz, aitak eta anaiak kasu hauetan, lan hauek egiten parte hartzen duten arren, emakumeekin alderatuz, kantitate txikiagoan. Gainera, garai batean egokitu zitzazkien lanak egitez arduratzen dira batez ere; adibide diren belarra eta egurra moztea lanetan nagusitzen dira.
Hala ere, lanen banaketa orekatu xamarra dagoela antzematen da, etxeko guztiek hartzen dute parte lanak egiten. Beste alde batetik, bigarren batxilergokoak aztertu ditugunez, zenbait arloetan parte hartze handiago dutela ikusi daiteke, beren adinari dagokion heldutasuna erakutsiz.
Bukatzeko, eskerrak eman nahi ditugu gure proiektu edo azterketa honetan lagundu diguten ikasle guztiei. Beren ekarpenei esker izan baita posible proiektu hau burutzea.